«ប្រាសាទអង្គរវត្ត» ជាប់​ចំណាត់ថ្នាក់​លេខ១ ជា​សំណង់​​ប្រវត្តិ​​សាស្រ្ដ​​​ដ៏​អស្ចារ្យ​បំផុត​លើ​ពិភពលោក ប្រចាំ​ឆ្នាំ២០១៨

ចែករំលែក៖

ខេត្តសៀមរាប ៖ កាលពីរសៀលថ្ងៃទី៩ ខែសីហា ឆ្នាំ២០១៨ម្សិលមិញនេះ លោក ថោង ខុន ខុន ​រដ្ឋ​មន្ត្រី​ក្រសួង​ទេសចរណ៍ បាន​ទទួល​ពានរង្វាន់​​ នៅ​មុខ​ប្រាសាទ​អង្គរវត្ត​ ពី​អ្នកស្រី Sarah Mathews នាយក​ភ្នាក់​ងារ​ប្រឹក្សាយោបល់​លើ​ការ​ធ្វើ​ដំណើរ (TripAdvisor)។ ពានរង្វាន់នេះបញ្ជាក់ថា ប្រាសាទអង្គរវត្តបាន​ជាប់​ចំណាត់ថ្នាក់​លេខ១ ជា​សំណង់ប្រវត្តិសាស្រ្ដ​ដ៏​អស្ចារ្យ​បំផុត​លើ​ពិភពលោក ប្រចាំ​ឆ្នាំ២០១៨ (The Very Best of Landmarks) ពីវិបសាយ​ទីភ្នាក់ងារ​ប្រឹក្សា​យោបល់​លើការ​ធ្វើ​ដំណើរ TripAdvisor។

ឆ្លើយតបចំពោះអ្នកស្រី Sarah Mathews លោក ថោង ខុន បានថ្លែង​អំណរគុណ​ចំពោះ​ TripAdvisor ដែល​តែង​តែ​ជួយ​ផ្សព្វផ្សាយ​គោលដៅ​ទេសចរណ៍​កម្ពុជា តាម​រយៈ​ការ​ស្ទង់​មតិ​លើ​ចំណាប់​អារម្មណ៍ និង​ទស្សនៈ​​របស់​ភ្ញៀវ​ទេសចរ​រាប់​លាន​នាក់​ជុំវិញ​ពិភពលោក។ លោក​​ថា ជ័យលាភី​សម្រាប់​អង្គវត្ត​ គឺ​ជា​មោទនភាព​ដ៏​មាន​អត្តន័យ​វិសេសវិសាល​ថ្មីមួយ​បន្ថែម​ទៀត សម្រាប់​ប្រជាពលរដ្ឋ​កម្ពុជា​ទាំង​មូល និង​រាជរដ្ឋាភិបាល​កម្ពុជា​។

លោកបញ្ជាក់បន្ថែមថា នេះ​ជា​ឆ្នាំ​ទី៥ហើយ ដែល​ប្រាសាទ​អង្គរវត្ត​ ត្រូវ​បាន​ភ្ញៀវ​ទេសចរ​ទូទាំង​ពិភពលោក បោះឆ្នោត​គាំទ្រថា​ជា​សំណង់​ប្រាសាទ​ដ៏​អស្ចារ្យ​បំផុត​ក្នុងលោក។ ក្រៅ​​ពី​ជាប់​នៅ​លើ Trip Advisor ប្រាសាទ​អង្គរវត្ត ក៏ជាប់​ចំណាត់​ថ្នាក់​កំពូល​នៅ​វិបសាយ​ល្បីៗ​ផ្សេងទៀតផងដែរ ចាប់​តាំង​ពី​ឆ្នាំ ២០១៤ មក ដូច​ជា​នៅ​លើវិបសាយ Archeao Madness និង Lonely Planet ជាដើម ៕​

 


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print