ភ្នំពេញ៖ សមត្ថកិច្ចនគរបាលប៉ុស្ដិ៍ គីឡូម៉ែត្រលេខ៦និងកម្លាំងនគរបាល ខណ្ឌឫស្សីកែវបានឆ្មក់ចូលទីតាំងផ្ទះមួយ កន្លែងដែលគេដឹងថា បើកហ្គេមបាញ់ត្រី យូរយារណាស់មកហើយទើបឈានដល់ការបង្ក្រាបនេះ ។ ជាមួយគ្នានេះកម្លាំង សមត្ថកិច្ចក៏បានឃាត់មនុស្ស៦នាក់យកមកសួរនាំរួចឱ្យត្រឡប់ទៅលំនៅឋាន វិញ តែសម្រាប់ជាទូហ្គេមត្រូវបានដក ហូតមករក្សាទុកនៅអធិការដ្ឋាននគរ បាលខណ្ឌ ។
ករណីខាងលើនេះបានធ្វើឡើងកាលពី ថ្ងៃទី១៩ ខែវិច្ឆិកា ឆ្នាំ២០១៥ វេលាម៉ោង ១៥និង១៥នាទី ឋិតនៅចំណុចផ្លូវបេតុង ក្រុមទី៦ ភូមិបឹងសាឡាង សង្កាត់គីឡូ ម៉ែត្រលេខ៦ ខណ្ឌឫស្សីកែវ ។
ប្រជាពលរដ្ឋបាននិយាយឱ្យដឹងថា ការបង្ក្រាបទីតាំងហ្គេមបាញ់ត្រី ដែល ជាប្រភេទល្បែងភ្នាល់ ហើយបង្កប់នៅ ខាងក្នុងនោះទៀតគឺមានការសេពថ្នាំញៀន ផងដែរ ។ ប៉ុន្ដែមិនមែនមានតែមួយ ទីតាំងនេះទេ គឺនៅមានច្រើនទីតាំងទៀត ដែលមិនទាន់ឃើញសមត្ថកិច្ចចុះទៅ*បង្ក្រាប ។
យុវជនដែលត្រូវបានឃាត់ខ្លួនក្នុង ប្រតិបត្ដិការនោះមាន ១-ឈ្មោះ មិត្ដ សរ័ត្ន អាយុ២០ឆ្នាំ មានទីលំនៅសង្កាត់ ច្រាំង២, ២-ឈ្មោះ តាំង ឈុនរិទ្ធ ភេទ ប្រុស អាយុ៣០ឆ្នាំ មានទីលំនៅសង្កាត់ ស្វាយប៉ាក, ៣-ឈ្មោះហ៊ីម ហ្វារី ភេទ ប្រុស អាយុ២៤ឆ្នាំ មានទីលំនៅសង្កាត់ ច្រាំង២, ៤-ឈ្មោះ ហែម ទូច ភេទប្រុស អាយុ២០ឆ្នាំ មានទីលំនៅសង្កាត់ច្រាំង ២, ៥-ឈ្មោះ ព្រហ្ម សុជាតិ ភេទប្រុស អាយុ៣២ឆ្នាំ មានទីលំនៅសង្កាត់ច្រាំង ២ និងទី៦-ឈ្មោះ ឡេង ឌី ភេទប្រុស អាយុ២៦ឆ្នាំ មានទីលំនៅភូមិបឹងឈូក សង្កាត់គីឡូម៉ែត្រលេខ៦ ។
ជាមួយគ្នានោះ សមត្ថកិច្ចបានដក ហូតសម្ភារទូហ្គេមចំនួន២ កៅអីជ័រ១៥ យកមករក្សាទុកនៅអធិការដ្ឋាននគរ បាលខណ្ឌឫស្សីកែវ ៕
ដោយ៖ អារុណរះ
