ភ្នំពេញ៖ ថ្លែងនៅក្នុងសន្និសីទសារ ព័ត៌មានកាលពីព្រឹកថ្ងៃទី២១ ខែវិច្ឆិកា ឆ្នាំ២០១៥ នៅមជ្ឈមណ្ឌលជនពិការ កម្ពុជាលោកយី វាសនា អគ្គលេខាធិការ នៃគណៈកម្មាធិការជាតិប៉ារ៉ាឡាំពិកកម្ពុជានិងជាតំណាងសម្ដេចតេជោ ហ៊ុន សែន និង សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជាប្រធាន គណៈ កម្មាធិការជាតិប៉ារ៉ាឡាំពិកកម្ពុជាបាន ដាក់ទិសស្លោកចំនួន៣ដើម្បីក្រើនរំលឹក ពេលអត្ដពលិកជនពិការកម្ពុជាចេញទៅចូលរួមប្រកួតក្នុងព្រឹត្ដិការណ៍ Asean Para Game លើកទី៨នៅប្រទេស សិង្ហបុរី ។
លោក យី វាសនា មានប្រសាសន៍ ថា ដើម្បីឱ្យអត្ដពលិកជនពិការរបស់ កម្ពុជាចងចាំឱ្យកាន់តែច្បាស់នូវមោទន ភាពប្រទេសកម្ពុជានៅមុនពេលប្រកួត ពួកគេត្រូវតែស្រែកប្ដេជ្ញាចិត្ដតាមទិស ស្លោករបស់គណៈកម្មាធិការជាតិប៉ារ៉ា ឡាំពិកកម្ពុជាថា ទី១-ជយោ! ព្រះរា ជាណាចក្រកម្ពុជា, ទី២-ជយោ!សម្ដេច តេជោ ហ៊ុន សែន និងទី៣-ជយោ! ឈ្នះឈ្នះៗ ។
ក្រៅពីទិសស្លោកទាំង៣ខាងលើ លោក យី វាសនា បញ្ជាក់ពីអត្ថន័យនៃ ព្រឹត្ដិការណ៍ប្រកួតកីឡាអាស៊ានប៉ារ៉ា ហ្គេមលើកទី៨នៅប្រទេសសិង្ហបុរីថា តាមពិតការប្រកួតនេះគណៈកម្មការ រៀបចំការប្រកួតកីឡាអាស៊ានប៉ារ៉ា ហ្គេមបានប្រើពាក្យថា (Asean Moving together) ។
នៅក្នុងសន្និសីទសារព័ត៌មានស្ដីពី ការចេញដំណើរទៅចូលរួមប្រកួតកីឡា អាស៊ានប៉ារ៉ាហ្គេមលើកទី៨នៅប្រទេសសិង្ហបុរីនេះដែរមានប្រតិភូសរុប៥២ នាក់ក្នុងនោះ ក៏បានតែងតាំង លោក យី វាសនា ជាប្រធានប្រតិភូដឹកនាំដែល មានអនុប្រធាន ២នាក់ គឺលោកស្រី នៅ លក្ខណា និង លោក ហោ ណាំបូរ៉ា ។
ប្រធានក្រុមគ្រូបង្ហាត់ លោក ផៃ សុខ មានតួនាទីចាំជួយដោះស្រាយរាល់ បញ្ហាដែលគ្រូបង្វឹកជួបការលំបាក ផ្សេងៗ ។ ប្រធានក្រុមអត្ដពលិករួមគឺ កីឡាករ អ៊ួ គង់ ជាអ្នកមើលការខុស ត្រូវលើកីឡាករកីឡាការិនីដែលមាន បញ្ហាផ្សេងៗមិនអាចដោះយស្រាយ បានត្រូវមករកលោក អ៊ួ គង់ ដើម្បីជួយ សម្រួលដល់ការប្រកួត ។ កីឡាការិនី អ៊ុន ស្រីណាក់ ប្រធានក្រុមកីឡាករ កីឡាការិនីផ្នែកហែលទឹកនិងកីឡាករ វ៉ាន វ៉ុន ប្រធានក្រុមកីឡាករកីឡាការិនី អត្ដពលកម្ម ។
លោក យី វាសនា បញ្ជាក់ថា សម្រាប់ប្រទេសកម្ពុជា សម្ដេច តេជោ ហ៊ុន សែន នាយករដ្ឋមន្ដ្រី តែងតាំង លោក វង សូត រដ្ឋមន្ដ្រីក្រសួងសង្គម កិច្ចអតីតយុទ្ធជននិងយុវនីតិសម្បទាដឹកនាំប្រតិភូមន្ដ្រីជាន់ខ្ពស់របស់រាជរដ្ឋាភិ បាលកម្ពុជាចូលរួមកម្មវិធីបើកនិងកម្មវិធីបិទ ។
លោក ស៊ាន បូរ៉ាត អនុរដ្ឋលេខាធិ ការក្រសួងអប់រំយុវជននិងកីឡា តំណាង លោកហង់ ជូនណារ៉ុន រដ្ឋមន្ដ្រីក្រសួង អប់រំយុវជននិងកីឡាអញ្ជើញទៅចូលរួមកម្មវិធីបើកនិងកម្មវិធីបិទការប្រកួត ទិវាកីឡាអាស៊ានប៉ារ៉ាហ្គេមលើកទី៨ នេះ ។
គួររំលឹកថា គណៈកម្មាធិការជាតិ ប៉ារ៉ាឡាំពិកកម្ពុជាធ្លាប់បានបញ្ជូនអត្ដ ពលិករបស់ខ្លួនចេញទៅប្រកួតព្រឹត្ដិ ការណ៍កីឡាអន្ដរជាតិជាច្រើនលើករួច មកហើយក្នុងនោះពួកគេដណ្ដើមបាន មេដាយសរុបចំនួន១២០គ្រឿងមានដូចជា មេដាយមាសចំនួន២០គ្រឿង មេដាយ ប្រាក់ចំនួន៥៤គ្រឿងនិងមេដាយសំរឹទ្ធិ ចំនួន៤៩គ្រឿង ។
សម្រាប់ការចេញដំណើរទៅប្រទេសសិង្ហបុរីបានចែកចេញជា៣ដំណាក់កាលគឺជើងទី១-ចេញដំណើរនៅវេលាម៉ោង ៩ព្រឹកថ្ងៃទី២៩ ខែវិច្ឆិកា ឆ្នាំ២០១៥ ។ ជើងទី២-ចេញដំណើរនៅវេលាម៉ោង៩ ព្រឹកថ្ងៃទី៣០ ខែវិច្ឆិកា ឆ្នាំ២០១៥ និង ជើងទី៣-ប្រតិភូមន្ដ្រីជាន់ខ្ពស់របស់រាជ រដ្ឋាភិបាលកម្ពុជា ។ ចំណែកនៅព្រឹក ថ្ងៃទី១ខែធ្នូឆ្នាំ២០១៥វេលម៉ោង៩ព្រឹក អត្ដពលិកជនពិការកម្ពុជាចំនួន៣០នាក់ទៅបង្ហូតទង់ជាតិកម្ពុជានៅលើទឹកដី ប្រទេសសិង្ហបុរីដោយមានអត្ដពលិក បណ្ដាប្រទេសអាស៊ានចំនួន១០ផ្សេង ទៀតក៏ចូលរួមគោរពភ្លេងជាតិកម្ពុជា ដែរ ៕
ដោយ៖ សារីម
