ភ្នំពេញ៖ យុវជនម្នាក់ទំនងជាស្រវឹងស្រាបើកម៉ូតូមួយគ្រឿងក្នុងល្បឿនលឿនជ្រុលចង្កូតទៅបុកក្បាលនាគ ចែកទ្រូងផ្លូវពេញទំហឹងបណ្តាលឲ្យដួលបោកនិងថ្នល់រងរបូសធ្ងន់។

ហេតុការណ៍នេះកើតឡើងកាលពីវេលាម៉ោង១១និង៤០នាទីយប់ថ្ងៃពុធ៤កើត​ ខែស្រាពណ៍​ ឆ្នាំច​ សំរឹទ្ធ​ស័ក​ ពស២៥៦២​ ត្រូវនិងថ្ងៃទី១៥ខែសីហាឆ្នាំ២០១៨ស្ថិតនៅចំណុចមុខមន្ទីពេទ្យ កុម៉ាជាតិ តាមបណ្តោយផ្លូវសហពន្ធ័រុស្សី​ក្នុងសង្កាត់ទឹកល្អក់១ ខណ្ឌទួលគោក។

តាមប្រភពព័ត៏មានពីកន្លែងកើតហេតុបានឲ្យដឹងថាមុនកើតហេតុគេឃើញយុវជនម្នាក់ទំនងជាស្រវឹងស្រាបើកម៉ូតូមួយគ្រឿងម៉ាកហុងដាឌ្រីមសង់ស៊េរី០៨ពណ៏ខ្មៅពាក់ស្លាកលេខកំពត1B-7697បើកក្នុងល្បឿនលឿនទិសដៅពីកើតទៅលិចលុះមកដល់ចំណុចកើតហេតុខាងលើបានរេចង្កូតមកខាងឆ្វេងដៃជ្រុលទៅបុកក្បាលនាគចែកទ្រូងផ្លូវពេញទំហឹងបណ្តាលឲ្យជនរងគ្រោះដួលបោកនិងថ្នល់រងរបួសធ្ងន់ត្រូវបានរថយន្តសង្គ្រោះដឹកយកទៅសង្គ្រោះភ្លាមៗចំណែកម៉ូតូខូចខាតស្ទើទាំងស្រុង។

ក្រោយកើតហេតុសមត្ថកិច្ចមូលដ្ឋានបានចុះមកដល់បានយកម៉ូតូជនរងគ្រោះទៅរក្សាទុកនៅប៉ុស្តិ៍នគរ​បាលរដ្ឋបាលសង្កាត់ទឹកល្អក់១រងចាំសាច់ញាត្តិយកឯកសារមកផ្ទៀងផ្ទាត់ដើម្បីយកត្រទៅផ្ទះវិញ៕សុខាសែនជ័យ