ភ្នំពេញ៖ការបើកហិបវិញ្ញាសានៅតាមបន្ទប់ប្រឡងសម្រាប់ដំណើរការវិញ្ញាសា នាព្រឹកថ្ងៃទី០១ នៃដំណើរការសំណេរ ប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង២០ ខែសីហា ឆ្នាំ២០១៨ ចាប់ផ្ដើមហើយ ។
ហ្វេសប៊ុកផេកក្រសួងអប់រំ សរសេរថា នៅតាមមណ្ឌលប្រឡងទូទាំងប្រទេស មានការបើកហិបវិញ្ញាសាសម្រាប់ដំណើរការសំណេរ ដោយមានការអញ្ជើញជាកិត្តិយសដោយ លោកបណ្ឌិតសភាចារ្យ ហង់ ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា លោកហ៊ុន ម៉ានី អ្នកតំណាងរាស្ត្រមណ្ឌលកំពង់ស្ពឺ និងជាប្រធានសហភាពសហព័ន្ធយុវជនកម្ពុជា លោកឃួង ស្រេង អភិបាលរាជធានីភ្នំពេញ និង លោកឃាង សេង អនុប្រធានអង្គភាពប្រឆាំងអំពើពុករលួយ រួមជាមួយ គណៈមេប្រយោគទូទាំងប្រទេស អប្បមាទទូទាំងប្រទេស ប្រធាន អនុប្រធានមណ្ឌល អ្នកត្រួតពិនិត្យតាមអគារ និងអ្នកពាក់ព័ន្ធ និងមានការសង្កេតការណ៍យ៉ាងយកចិត្តទុកដាក់ពីតំណាងអង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា ចូលរួមដើម្បីពិនិត្យភាពបិទជិតមានបិទស្កុត និងត្រាស្រោមប្រធានវិញ្ញាសា នៅចំពោះមុខបេក្ខជន៕ចេស្តា
