ភ្នំពេញ៖ រថយន្ត១គ្រឿងបើកកៀរយុវជនម្នាក់កំពុងជិះម៉ូតូ១គ្រឿងទាំងមានស្ថានភាពស្រវឹង បណ្តាលឲ្យដួលបោកក្បាលទៅនឹងចញ្ចើមផ្លូវរបួសធ្ងន់ សន្លប់ស្តូក នៅនឹងកន្លែងត្រូវបានគេដឹកយកទៅសង្គ្រោះនៅមន្ទីរពេទ្យភ្លាមៗ។
ឧប្បត្តិហេតុគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១០ នឹង៣០នាទីយប់ ថ្ងៃទី២២ ខែវិច្ឆិកា ឆ្នាំ២០១៥ ត្រង់ចំណូចមុខផ្សារដើមគរ តាមបណ្តោយផ្លូវម៉ៅសេទុង ក្នុងសង្កាត់បឹងសាឡាង ខណ្ឌទួលគោក។
ប្រភពព័ត៌មានបានឲ្យដឹងថា មុនពេលកើតហេតុគេឃើញយុវជនមិនស្គាលឈ្មោះម្នាក់ ជិះម៉ូតូ១គ្រឿងម៉ាក ហុងដាគុបជ្រុង ពណ៌ខៀវ ពាក់ស្លាកលេខ ភ្នំពេញ1R-0282 ធ្វើដំណើរតាមបណ្តោយផ្លូវម៉ៅសេទុងក្នុងទិសដៅពីលិចទៅកើត។ លុះមកដល់ចំណុចកើតហេតុ ក៏មានរថយន្ត១គ្រឿងមិនស្គាល់ម៉ាកបានបើកកៀរម៉ូតូម៉ូតូយុវជនរូបនេះ បណ្តាលឲ្យ ដួលបោកក្បាលទៅនឹងចញ្ចើមផ្លូវ សន្លប់ស្តូកស្តឹងនៅនឹងកន្លែង ហើយត្រូវបានគេដឹកយកទៅសង្គ្រោះនៅមន្ទីរពេទ្យគីមសុងភ្លាមៗ។
ក្រោយពេលកើតហេតុសមត្ថកិច្ចទៅដល់និងបានយកទៅរក្សាទុកនៅអធិការដ្ឋាននគរបាលខណ្ឌទួលគោក រង់ចាំក្រុមគ្រួសារមកទទួលយក៕
ដោយ៖ ប្រាថ្នា
