ជិះម៉ូតូចេញពីធ្វើការសំណង់ត្រូវរថយន្តបុកពីក្រោយ និងកិនអូសប្រហែល១០ម៉ែត្រ បណ្ដាលឲ្យបុរសម្នាក់ស្លាប់យ៉ាងអាណោចអធម៌ ឯម្នាក់ទៀតរបួសស្រាល

ចែករំលែក៖

ភ្នំពេញ៖ មានហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើង បង្កដោយរថយន្តហុីយ៉ាន់ដាយមួយគ្រឿងបានបេីកបុកម៉ូតូហុងដាឌ្រីមពីក្រោយ និងកិនម្ចាស់ម៉ូតូអូសប្រហែល១០ម៉ែត្រស្លាប់យ៉ាងអាណោចអធម៌ កាលពីវេលាម៉ោង៧ និង៣០នាទីយប់ ថ្ងៃ​ព្រហស្បតិ៍ ១២កើត​ ខែ​ស្រាពណ៍​ ឆ្នាំច​ សំរឹទ្ធ​ស័ក​ ព​.​ស​២៥៦២​ ត្រូវ​និងថ្ងៃទី២៣ ខែសីហា ឆ្នាំ២០១៨ នៅចំណុចស្ទុបស្រាបៀរ តាមបណ្ដោយផ្លូវ២១៧ ស្ថិតក្នុងសង្កាត់ស្ទឹងមានជ័យ៣ ខណ្ឌមានជ័យ​ រាជធានីភ្នំពេញ ។

សមត្ថកិច្ចមូលដ្ឋានបានឲ្យដឹងថា ជនរងគ្រោះដែលស្លាប់ក្នុងហេតុការណ៍គ្រោះថ្នាក់ចរចរណ៍ខាងលើមានឈ្មោះ ប៉ុន នី ភេទប្រុស អាយុ៣០ឆ្នាំ មុខរបបកម្មករសំណង់ ស្នាក់នៅភូមិដីថ្មី សង្កាត់ស្ទឹងមានជ័យ៣ ខណ្ឌមានជ័យ និងមានស្រុកកំណើតនៅខេត្តកណ្ដាល ។ និងអ្នករួមដំណើររបួសស្រាល ឈ្មោះ ចន វី ភេទប្រុស អាយុ២៥ឆ្នាំ ស្នាក់នៅក្បែរគ្នា និងមានស្រុកកំណើតនៅស្រុករំដួល ខេត្តព្រៃវែង ។

ដោយឡែកតៃកុងរថយន្តបង្កមានឈ្មោះ ឯក រ៉ាត់ អាយុ៤០ឆ្នាំមុខរបរបើកឡាន ស្នាក់នៅស្រុកបសែត ខេត្ដកំពុងស្ពឺ ។
បើតាមសម្ដីជនរងគ្រោះដែលរបួសស្រាល បានប្រាប់ឲ្យដឹងថា មុនពេលកើតហេតុ រូបគាត់ទាំង២នាក់ ជិះម៉ូតូមួយគ្រឿងម៉ាក ហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1AU-7684 បានឌុបគ្នាមកពីធ្វើការសំណង់នៅម្ដុំផ្សារដើមគរ ដោយធ្វើដំណើរតាមបណ្ថោយផ្លូវ២១៧ ទិសដៅជើងទៅត្បូង ខណះមកដល់ចំណុចកើតហេតុ ស្រាប់តែមានរថយន្តបង្កម៉ាក ហុីយ៉ាន់ដាយ ពណ៌ស ពាក់ស្លាកលេខ ភ្នំពេញ 3C-5731 ដែលបើកបរដោយបុរសម្នាក់ រួមដំណើរនិងព្រូម្នាក់ បានមកពីក្រោយស្របទិសជាមួយម៉ូតូ ហើយក៏បុកម៉ូតូពីក្រោយធ្វើឲ្យម៉ូតូនិងម្ចាស់ដួល ត្រូវរថយន្តបង្កកិនបុរសម្នាក់ជាម្ចាស់ម៉ូតូ អូសប្រហែល១០ម៉ែត្រស្លាប់យ៉ាងអាណោចអធម៌ រីឯរូបគាត់អង្គុយពីក្រោយរងរបួសស្រាល ។

ក្រោយពីកើតហេតុភ្លាមៗ ប្រជាពលរដ្ឋដែលនៅក្បែរទីតាំងកើតហេតុ បានឃាត់ខ្លួនតៃកុងរថយន្តបង្ក និងព្រូ​ ប្រគល់ឲ្យសមត្ថកិច្ចនគរបាលប៉ុស្ដិ៍ស្ទឹងមានជ័យ៣ ។ បន្ទាប់មកកម្លាំងសមត្ថកិច្ចប៉ុស្ដិ៍ស្ទឹងមានជ័យ៣ បានចុះសម្រួលចរាចរណ៍ និងទំនាក់ទំនងទៅជំនាញចរាចរណ៍ ឲ្យមកធ្វើការវាស់វែង យករថយន្តបង្កនិងម៉ូតូរងគ្រោះ ទៅកាន់ការិយាល័យចរាចរណ៍គោក នៃស្នងការដ្ខាននគរបាលរាជធានីភ្នំពេញ រួមទាំងប្រគល់តៃកុងរថយន្តបង្ក ឲ្យទៅរងចាំដោះស្រាយនៅពេលក្រោយ ។ ចំណែកឯសពជនរងគ្រោះ សមត្ថកិច្ចបានប្រគល់ឲ្យសាច់ញាតិ និងប្រពន្ធ យកទៅធ្វើបុណ្យតាមប្រពៃណី ៕ ភារ៉ា ដង្កោ


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print