អ៊ិន ចាន់រតនាកាន់តែអស់សង្ឃឹម ពីស្ថានភាពជំងឺម្តាយ

ចែករំលែក៖

ភ្នំពេញ៖ តារាចម្រៀង និងសម្តែង អ៊ិន ចាន់រតនា បានបង្ហាញអារម្មណ៍សោកសង្រេង និងអស់សង្ឃឹមកាន់តែខ្លាំងក្រោយពីស្ថានភាពជំងឺមហារីករបស់ម្តាយបង្កើតជាទីស្រលាញ់ហាក់មិនមានភាពប្រសើរឡើង។ លោកថាពិតជាពិបាកនឹងទទួលយកអារម្មណ៍បែបនេះខណៈដែលលោកធ្លាប់កំព្រាឪពុកអស់រយៈពេល១០ឆ្នាំមកហើយ។

    ម្តាយតារាសម្តែង អ៊ិន ចាន់រតនា បានចូលសម្រាកព្យាបាលនៅមន្ទីរពេទ្យឯកជនមួយអស់រយៈពេល២សប្តាហ៍មកហើយ ក្រោយពីជំងឺមហារីកធ្វើទុក្ខខ្លាំង។ ដោយសារស្ថានភាពជំងឺកាន់តែធ្ងន់ធ្ងរវេជ្ជបណ្ឌិតបានឲ្យក្រុមគ្រួសារត្រៀមចិត្ត និងដឹកម្តាយវិលមកលំនៅដ្ឋានវិញដើម្បីឲ្យធម៌តាមប្រណៃណីព្រះពុទ្ធសាសនា។ លោកថាពិបាកនឹងពណ៌នាពីអារម្មណ៍មួយនេះ ហើយក៏ពិបាកចិត្តខ្លាំងណាស់ដែរ នឹងធ្វើឲ្យលោកកាន់តែអស់សង្ឃឹម។ លោកថាកន្លងមកម្តាយរបស់លោកបានលះបង់ តស៊ូច្រើនសម្រាប់គ្រួសារ ទាំងធ្វើជាម្តាយផង ជាឪពុកផងរែកពន់ការងារមិនខ្លាចនឿយហត់។

    លោកថាមួយរយៈនៃការចូលសង្គ្រោះបន្ទាន់របស់ម្តាយគឺលោកបាត់បង់អស់នូវកម្លាំងចិត្ត និងមិនបានចេញធ្វើកិច្ចការងារសិល្បៈដូចរាល់ដង។ លោកថាថ្ងៃទី២៨ខែសីហានេះលោកបានទទួលយកការចូលរួមសម្តែង និងប្រកួតសមត្ថភាពសិល្បៈក្នុងកម្មវិធីអប្សរា Star Award របស់ទូរទស្សន៍អប្សរា ប៉ុន្តែលោកសម្រេចចិត្តស្នើសុំលប់ចោលវិញក្រោយពីស្ថានភាពជំងឺរបស់ម្តាយកាន់តែធ្ងន់ធ្ងរ។ លោកថាពេលនេះម្តាយលោកត្រូវបានដឹកត្រឡប់ទៅគេហដ្ឋាននៅជិតផ្សារ CKថ្មីផងដែរ៕ ដោយ វឌ្ឍនា

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print