ភ្នំពេញៈ ឆ្លងចរន្ទទុស្សេបង្គោលខ្សែភ្លើងបណ្ដោយអោយ ឆាបឆេះផ្អើលទាំងថ្ងៃត្រង់ ធ្វើឲ្យប្រជាពលរដ្ឋនាំគ្នាយកបំពង់ពន្លត់អគ្គិភ័យមកបាញ់ពន្លត់ និងរថយន្តពន្លត់អគ្គិភ័យមកបាញ់អស់២គ្រឿង ទើបរលត់ ។
ហេតុការណ៍នេះបានឆេះបំផ្លាញអស់ខ្សែភ្លើង និងខ្សែរកាបិ៍ អុបទិកមួយ ចំនួនដាច់ធ្លាក់ផងដែរ កាលពីវេលាម៉ោង ១២ និង ០០នាទី ថ្ងៃទី ២៩ ខែ សីហា ឆ្នាំ ២០១៨ នៅលើបង្គោលភ្លើងមួយដើម ដែលមានទីតាំងនៅតាមបណ្តោយផ្លូវលេខ ៩៥ ក្នុងសង្កាត់បឹងកេងកងទី២ ខណ្ឌចំការមន រាជធានីភ្នំពេញ។
បើតាមប្រភពព័ត៌មានពីកន្លែងកើតហេតុ បានប្រាប់ឲ្យដឹងថា មុនពេលកើតហេតុ ស្រាប់តែមានអណ្តាតភ្លើងឆាបឆេះខ្សែភ្លើងយ៉ាងសន្ធោរសន្ធៅចេញពីផ្នែកខាងលើមុន ទើបឆ្លងរាលដាល ធ្វើឲ្យប្រជាពលរដ្ឋនាំគ្នាយកបំពង់ពន្លត់អគ្គិភ័យមកបាញ់ពន្លត់ និងរថយន្តពន្លត់អគ្គិភ័យមកបាញ់អស់២គ្រឿង ទើបរលត់ ៕ ស រស្មី
...
