លោក ឃួង ស្រេង និងមន្ដ្រីជំនាញ បន្ដចុះពិនិត្យដោះស្រាយ ផ្លូវ ទឹក ភ្លើង ជួនពលរដ្ឋនៅសហគមន៏ ភូមិថ្មគោល ខណ្ឌពោធិ៏សែនជ័យ

ចែករំលែក៖

ភ្នំពេញ៖ ពាក់ព័ន្ធសុខមាលភាពប្រជាពលរដ្ឋផ្លូវ ទឹក ភ្លើង ជាបញ្ហាដែលអាជ្ញាធររាជធានីភ្នំពេញបាននឹងកំពុងយកចិត្តទុកដាក់ជាចំបង ដោយវាជាការចង់បានរបស់បងប្អូនប្រជាពលរដ្ឋរាល់ថ្ងៃមិនអាចខ្វះបាន។

ជាក់ស្តែងនៅព្រឹកថ្ងៃទី០១ កញ្ញា២០១៨នេះ លោកឃួង ស្រេង អភិបាលរាជធានីភ្នំពេញបានដឹកនាំអាជ្ញាធរនិងមន្ត្រីជំនាញចុះពិនិត្យមើលស្ថានភាព ផ្លូវលេខ ១២៣CC ស្ថិតនៅក្នុងភូមិថ្មគោលទី២សង្កាត់ចោមចៅទី២ ខណ្ឌពោធិសែនជ័យ ខណៈដែលផ្លូវមួយខ្សែនេះបានទទូលរងការខូចខាត ពិបាកក្នុងការធ្វើដំណើររបស់បងប្អូនប្រជាពលរដ្ឋ ។ កំណត់ផ្លូវដែលត្រូវស្ថាបនាថ្មីឡើងវិញនេះ រដ្ឋបាលរាជធានីភ្នំពេញនឹងសាងសង់ជាផ្លូវ បេតុងមានប្រវែង ៩៧០ម៉ែត្រនិង ទទឹងប្រវែង ៦ម៉ែត្រ ជាមួយនោះរដ្ឋបាលរាជធានីក៏នឹងធ្វើការរៀបចំដាក់បណ្តាញលូផងដែរ ។

ពាក់ព័ន្ធនិងការបើកការដ្ឋានធ្វើផ្លូវនិងប្រព័ន្ធលូ ខាងលើនេះ លោកអភិបាលរាជធានីភ្នំពេញក៏បានសូមការយោគយល់ពីប្រជាពលរដ្ឋផងដែរជុំវិញផលប៉ះពាល់ និងការរំខាននៅពេលការដ្ឋានចាប់ផ្តើមដំណើរការ។

ក្រោយពីបញ្ចប់ការពិនិត្យមើលស្ថានភាព ផ្លូវលេខ ១២៣CC នេះហើយនោះ លោកឃួង ស្រេង ក៏បានបន្តដំណើរចុះសួរសុខ ទុក្ខនិងពិនិត្យមើលការចាត់ចែងការដឹកទឹកម៉ាស៊ីនចែកចាយជូនប្រជាពលរដ្ឋនៅភូមិទួលកី សង្កាត់ភ្លើងឆេះរទេះខណ្ឌពោធិសែន ជ័យបន្តទៀត ។ លោកឃួង ស្រេង ក្នុងឱកាសនោះបានបញ្ជាក់ថា ការចុះមកសួរសុខ ទុក្ខនិងពិនិត្យមើលការចាត់ចែងការដឹកទឹកម៉ាស៊ីនចែកចាយជូនប្រជាពលរដ្ឋនេះ គឺលោកចង់ដឹងនិងមើលអោយឃើញពីស្ថានភាពការរស់នៅ

ការខ្វះខាតនិងការចង់បានរបស់បងប្អូនប្រជាពលរដ្ឋជាក់ស្តែង ។ នៅពេលដឹងពីការចង់បានរបស់ប្រជាណលរដ្ឋហើយ ក្នុងនាមរដ្ឋបាលរាជធានីភ្នំពេញ ដែលជាម៉ែជាឳរបស់ប្រជាពលរដ្ឋ យើងចុះជួយផ្តល់ជូនប្រជាពលរដ្ឋតែម្តង។ ជាក់ស្តែងនៅភូមិទួលកី សង្កាត់ភ្លើងឆេះរទេះខណ្ឌពោធិសែន ជ័យ ប្រជាពលរដ្ឋនៅក្នុងភូមិនេះបាននិងកំពុងមានបញ្ហាឈមនិងការអត់ទឹកម៉ាស៊ីនប្រើប្រាស់ ទើបរដ្ឋបាលរាជធានីភ្នំពេញ បង្កើតអោយមានរថយន្តដឹកទឹកជូនប្រជាពលរដ្ឋដល់តាមខ្នងផ្ទះតែម្តង ជាមួយនឹងតំលៃរដ្ឋ ។
ក្នុងឱកាសនោះដែរលោកឃួង ស្រេងក៏បានជម្រុញអោយអាជ្ញាធរខណ្ឌពោធិសែន ជ័យ ពិសេសមន្ត្រីដែលអនុវត្តលើការងារនេះបន្ថែមជើងរថយន្តក្នុងការដឹកទឹកចែកចាយជូនប្រជាពលរដ្ឋ ។ លោកឃួង ស្រេងក៏បានបញ្ជាក់ផងដែរថា នៅរដូវប្រាំងខាងមុខនេះ អាជ្ញាធរនិងបន្ថែមរថយន្តដឹកទឹកនេះបន្ថែមទៀត ពោលគឺទាំង៨ភូមិដែលមិនមានទឹកម៉ាស៊ីនប្រើប្រាស់ អាច១ភូមិមានរថយន្តដឹកទឹក១គ្រឿង ដើម្បីដឹកទឹកចែកចាយអោយទាន់ចិត្តប្រជាពលរដ្ឋ៕ ដោយ៖ សំរិត


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print