ភ្នំពេញ៖ ជនសង្ស័យម្នាក់ដែលត្រូវសមត្ថកិច្ចឃាត់ខ្លួន បន្ទាប់ពីជនរងគ្រោះស្រែកថាចោរៗបន្ទាប់ពីបក្ខពួករបស់ជនសង្ស័យខាងលើបានឆក់ទូរស័ព្ទម៉ាកIphone6ពីនារីម្នាក់បានសម្រេច ។
ហេតុការណ៍នេះកើតឡើងកាលពីវេលាម៉ោង១ និង៤០នាទី ថ្ងៃទី២៤ ខែវិច្ឆិកា ឆ្នាំ២០១៥ នៅចំណុចផ្លូវម៉ៅសេទុង ជាប់នឹងស្តុបអ៊ីធ៍រខ
ជនសង្ស័យមានឈ្មោះ ស្រ៊ុន ពិសី ភេទប្រុស អាយុ២២ឆ្នាំ ស្នាក់នៅម្ដុំវត្តនិរោធ សង្កាត់និរោធ ខណ្ឌច្បារអំពៅ ។ សមត្ថកិច្ចដក់ហូតបានម៉ូតូហុងដាសេ១២៥ ស៊េរី២០១៦ អត់ស្លាក់លេខមួយគ្រឿង ។ ចំណែកជនរងគ្រោះមានឈ្មោះជា សុធី ភេទស្រី អាយុ២៧ឆ្នាំ ស្នាក់នៅម្ដុំច្បារអំពៅ រីឯទូរស័ព្ទដែលត្រូវចោរឆក់នោះម៉ាក Iphone6 ។
តាមប្រភពព័ត៌ពីជនរងគ្រោះបានឲ្យដឹងថា មុនពេលកើតហេតុខ្លួនបានជិះម៉ូតូមួយគ្រឿងម៉ាកClick ម្នាក់ឯងដោយធ្វើដំណើរតាមបណ្តោយផ្លូវម៉ៅសេទុង ក្នុងទិសដៅពីជើងទៅត្បូង លុះមកដល់ចំណុចខាងលើ រូបខ្លួនក៏បានលើកទូរស័ព្ទនិយាយ ស្រាប់តែលេចមុខជនសង្ស័យជិះម៉ូតូហុងដាស៊េរី២០១៦ ៣គ្រឿងមានគ្នា៥នាក់ ហើយជនសង្ស័យដែលជិះម៉ូតូមុខគេបានធ្វើសកម្មភាពឆក់ទូរស័ព្ទបានសម្រេច បន្ទាប់ពីឆក់បានសម្រេចហើយ ក្រុមបក្ខពួកដែលជិះម៉ូតូបិតកូថពីក្រោយបានមកកាកនារីរងគ្រោះមិនឲ្យស្រែក ហើយពេលនោះត្រូវបានជនរងគ្រោះស្រែកថាចោរៗ ក៏ចាប់បានជនសង្ស័យម្នាក់ដែលជិះពីក្រោយរួមទាំងម៉ូតូមួយគ្រឿង ។
បច្ចុប្បន្នជនសង្ស័យត្រូវបានកម្លាំងប៉ុស្តិ៍ទំនប់ទឹកកំពុងសាកសួរនៅអធិការដ្ឋាននគរបាល និងកសាងសំណុំរឿងបញ្ជូនទៅតុលាការ ៕
ដោយ៖ ស រស្មី
