ខេត្តកំពង់ស្ពឺ ៖ មន្ត្រីនគរបាលមួយរូបបានរងរបួសបាក់ជើងធ្ងន់ធ្ងន់ហើយត្រូវបានរថយន្តសាមុយរបស់គ្លីនិកឯកជនដឹកយកទៅសង្គ្រោះភ្លាមៗខណៈដែលជិះម៉ូតូម្នាក់ឯងហើយត្រូវបានរថយន្តមិនស្គាល់ម៉ាកបើកបញ្ច្រាសទិសបុកចំពីមុខយ៉ាងពេញទំហឹងបណ្តាលអោយអូសជាច្រើនម៉ែត្រ ក្រោយបង្កហេតុរួចតៃកុងរថយន្តបានបន្ថែមល្បឿនរត់គេចខ្លួនទៅទិសខាងកើតបាត់ស្រមោល កាលពីវេលាម៉ោង០១និង៣៥នាទីរសៀលថ្ងៃទី០៤ខែកញ្ញាឆ្នាំ២០១៨នៅលើកំណាត់ផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ៣៩ទៅលេខ៤០ស្ថិតនៅក្នុងភូមិវល្លិសរ ឃុំវល្លិសរ ស្រុកសំរោងទង ខេត្តកំពង់ស្ពឺ។

មន្ត្រីនគរបាលរងគ្រោះមានឈ្មោះ លូ វណ្ណារិទ្ធ អាយុ២៨ឆ្នាំ រស់នៅក្នុងភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល រងរបួសបាក់ជើងធ្ងន់ធ្ងរជិះម៉ូតូម៉ាកហុងដាសេ១២៥ស៊េរីឆ្នាំ២០១៨ ពណ៌ខ្មៅពាក់ស្លាកលេខភ្នំពេញ1HA1098 បានបើកបរតាមបណ្តោយផ្លូវជាតិលេខ៤ក្នុងទិសដៅពីទិសខាងកើតទៅទិសខាងលិច លុះពេលធ្វើដំណើរមកដល់ចំណុចកើតហេតុខាងលើ ស្រាប់តែមានរថយន្តដឹកដីមិនស្គាល់ម៉ាកមួយគ្រឿងដែលបើកបរបញ្ច្រាសទិសគ្នាបុកចំពីមុខយ៉ាងពេញទំហឹងបណ្តាលអោយអូសជាច្រើនម៉ែត្រផងដែរ។បន្ទាប់ពីឃើញមន្ត្រីនគរបាលរងរបួសខាងលើរួចមកតៃកុងរថយន្តបានបន្ថែមល្បឿនរត់គេចបាត់។

ក្រោយកើតហេតុរថយន្តសង្រ្គោះបានដឹកជនរងគ្រោះទៅព្យាបាល នគរ បាលជំនាញចុះធ្វើការវាស់វែងយកម៉ូតូដែលរងការខូចខាតស្ទើរតែទាំងស្រុងនោះទៅរក្សាទុករង់ចាំសាច់ញាតិមកទទួលយក៕សេនាស័ក្តិ