បុរសម្នាក់ជួបគ្រោះថ្នាក់ចរាចររបួសធ្ងន់ហើយមានជនឆ្លៀតឱកាសមកចង់លួចទ្រព្យសម្បត្តិទៀត

ចែករំលែក៖

ភ្នំពេញ: បុរសម្នាក់បើកម៉ូតូមួយគ្រឿងយ៉ាងលឿន ជ្រុលចង្កូតទៅបុកជាមួយម៉ូតូសណ្តើងរ៉ឺម៉ក ដែលបើកបញ្ច្រាសទិសគ្នា បណ្តាលដួលរងរបួសធ្ងន់ ចំណែកម៉ូតូសណ្តើងរ៉ឺម៉ក បើករត់គេចខ្លួនបាត់។ ហេតុការណ៍នេះ កើតឡើងកាលពីម៉ោង២រំលងអធ្រាត្រ ឈានចូលថ្ងៃទី៩ ខែកញ្ញា ឆ្នាំ២០១៨ នៅតាមបណ្តោយផ្លូវលេខ១៧២ ខាងលិចការ៉ាស់សាំងតេលា សង្កាត់ទឹកល្អក់៣ ខណ្ឌទួលគោក។

ប្រភពពត៌មាននៅកន្លែងកើតហេតុ បានឲ្យដឹងថា មុនកើតហេតុគេឃើញ បុរសម្នាក់បើកម៉ូតូមួយគ្រឿង ម៉ាកហុងដាគុបជ្រុង ពណ៌ស្លែ ពាក់ស្លាកលេខតាកែវ1A-1146 ធ្វើរដំណើរ តាមផ្លូវលេខ១៧២ ក្នុងទិសដៅពីលិចទៅកើត ខណៈមកដល់ចំណុចកើត បានរេចង្កូតជ្រុលទៅបុកម៉ូតូសណ្តោងរ៉ឺម៉កមួយគ្រឿង មិនចាំស្លាកលេខដែលបើកបញ្ច្រាសទិសដៅគ្នា បណ្តាលឲ្យដួលបោកក្បាលនឹងថ្នល់សន្លប់រងរបួសធ្ងន់ ត្រូវបានរថយន្តសង្គ្រោះក្លីនិកហុង ហាក់ដឹកយកទោសង្គ្រោះភ្លាមៗ ចំណែកម៉ូតូសណ្តោងរ៉ឺម៉កមិនបានឈប់នៅនិងកន្លែងហេតុនោះទេ បានបើករត់គេចខ្លួនបាត់។

នៅក្នុងហេតុការគ្រោះថ្នាក់ចរាចរនេះដែរក៏មានបុរសម្នាក់ មកកាន់ទូរសព្ទ័ និងកាបូបលុយ ដោយអះអាងថា ជាសាច់ញាត្តិជនរងគ្រោះ តែពេលមានសមត្ថកិច្ចមូលដ្ឋាន មកដល់កន្លែងកើតហេតុ បានប្រគល់ការបូបលុយ និងទូរសព្ទ័ទៅឲ្យសមត្ថកិច្ច ដោយមិនបានរៀបរាប់វែងឆ្ងាយទេ រួចគេចខ្លួនចេញពីកន្លែងកើតហេតុបាត់ស្រមោល។

បន្ទាប់ពីកើតហេតុម៉ូតូ ត្រូវបានសមត្ថកិច្ចយកទៅរក្សាទុក នៅអធិការដ្ឋាននគរបាលខណ្ឌទួលគោក រងចាំសាច់ញាតិមកយកត្រឡប់ទៅផ្ទះវិញ៕ជ្រោយពេជ្រ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print