ភ្នំពេញ៖ យុវជនម្នាក់បានជិះម៉ូតូហុងដាឌ្រីមសង់ចេញពីដេកផ្ទះសង្សារបំណងទៅបន្ទប់ជួលខ្លួនវិញក៏ត្រូវជនសង្ស័យមានគ្នា៤នាក់ជិះម៉ូតូ២គ្រឿងមកវាយប្លន់យកម៉ូតូគេចខ្លួនបាត់ដោយសុវត្តិភាព។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង២និង២០នាទីរំលងអាធ្រាតឈានចូលថ្ងៃទី១២ខែកញ្ញាឆ្នាំ២០១៨ នៅចំណុចមុខម៉ាស្ទ័រ ស៊ុបគីស៊ុប តាមបណ្តោយផ្លូវលេខ៩៥ កែងផ្លូវម៉ៅសេទុង ស្ថិតក្នុងសង្កាត់បឹកកេងកងទី៣ ខណ្ឌចំការមនរាជធានីភ្នំពេញ។
ជនរងគ្រោះឈ្មោះ រុនរត្ននី ភេទប្រុសអាយុ២០ ឆ្នាំ មុខរបរបុគ្គលិកម៉ាស្ទ័រស៊ុបគីស៊ុប ស្នាក់ស្ទឹងមានជ័យ។ ជិះម៉ូតូម៉ាកហុងដា ឌ្រីមសង់ស៊េរីឆ្នាំ២០១៨ ពណ៍ខ្មៅ ពាក់ស្លាកលេខឧត្តមានជ័យ 1D 3069. ។
ជនរងគ្រោះបានអោយដឹងថា មុនពេលកើតហេតុរូបគាត់បានជិះម៉ូតូទើបនិងចេញពីបន្ទប់ជួលសង្សារដែលនៅក្បែរកន្លែងកើតហេតុដែរបំណងទៅបន្ទប់ជួលខ្លួននៅម្តុំស្ទឹងមានជ័យ ដោយធ្វើដំណើរតាមបណ្តោយផ្លូវលេខ៩៥ ក្នុងទិសដៅពីជើងទៅត្បូងខណះមកដល់ចំណុចកើតហេតុស្រាប់តែមានជនសង្ស័យមានគ្នា៤នាក់ជិះម៉ូតូ២គ្រឿងមិនចាំស្លាកលេខមកពីក្រោយហើយបានជិះមកស្ទាក់មុខរួចស្ទុះមកវាយរួបគាត់ធ្វើអោយគាត់ភ័យរត់ចោលម៉ូតូត្រូវបានជនសង្ស័យលើកជិះទៅបាត់។
ក្រោយពេលកើតហេតុរយះពេលយ៉ាងយូនៅមិនទាន់ឃើញសមត្ថកិច្ចមូលដ្ឋានមកកន្លែងកើតហេតុទើបអ្នកសាព័ត៌មានដឹកជនរងគ្រោះទៅប៉ុស្តិ៍នគរបាលរដ្ឋបាលបឹកកេងកងទី៣ដើម្បីដាក់ពាក្យបណ្តឹង៕សុខាសែនជ័យ
...
