(សៀមរាប)៖​ នៅថ្ងៃទី១០ ខែកញ្ញា ឆ្នាំ២០១៨​ វេលាម៉ោង០៧:២០នាទីព្រឹក​ មានករណីអគ្គិភ័យឆេះកុដ្ឋលោកនៅអាស្រមគោកស្រិត​ ស្ថិតនៅភូមិវត្តស្វាយ​ សង្កាត់សាលាកំរើក​ ក្រុងខេត្តសៀមរាប។

សមត្ថកិច្ចអោយដឹងថាកុដ្ឋ របស់តេជគុណ ព្រះនាម ពេជ្រ អាយុ៤០​ ព្រះវស្សា ធ្វើអំពីឈើប្រក់សង្ក័សីទំហំ៤មx៤ម៉ែត្រ។​

ក្នុងករណីនេះកងកម្លាំងនគរបាលអន្តរាគមបង្ការពន្លត់អគ្គិភ័យ​ និងសង្រ្គេាះនៃស្នងការដ្ឋាននគរបាលខេត្ត​ បានចេញរថយន្តជួយពន្លត់ចំនួន៣គ្រឿង​ តែបានប្រេីប្រាស់ទឹកអស់១រថយន្តបានរលត់ទៅវិញនៅម៉េាង៨-០០នាទីព្រឹកនាថ្ងៃដដែល។​

មូលហេតុ:​ បណ្តាលមកពីការដុតធូបទុកចោលរាលឆេះពូក  ការខូចខាត : អាស្រម ធ្វើអំពីឈើប្រក់សង្ក័សី ប្រវែង៤មx៤ម សំភារះប្រើប្រាស់មួយចំនួន​ ប្រាក់ចំនួួនជិត១លានរៀល ស្បង់ជីវរសៀវភៅធម៍ និងទូរសព្ទ័ដៃចំនួន១គ្រឿងតែមិនបណ្ដាលឲ្យរងរបួសឫគ្រេាះថ្នាក់ដល់មនុស្សឡេីយ៕ប៊ុនរិទ្ធី