ភ្នំពេញ: ស្រីស្អាតបើករថយន្តបុកម៉ូតូ បណ្ដាលឲ្យបុរស២នាក់រងរបួសធ្ងន់ ហើយអ្នកបើករថយន្តបានបន្ថែមល្បឿនបើករត់អូសទាំងម៉ូតូរហូតទៅដល់គល់ស្ពានជ្រោយចង្វា ទើបរបូតម៉ូតូចេញ ហើយរថយន្តនៅតែបន្ត បើករត់ឆ្លងស្ពានជ្រោយចង្វា តែត្រូវបានប្រជាពលរដ្ឋនិងសមត្ថកិច្ចតាមឃាត់បាន។
ហេតុការណ៍នេះបានកើតឡើងកាលពីម៉ោង៩យប់ ថ្ងៃទី១១ ខែកញ្ញា ឆ្នាំ២០១៨ នៅផ្លូវលេខ៧០ ស្ថិតក្នុងសង្កាត់ស្រះចក ខណ្ឌដូនពេញ ។
ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញនារីម្នាក់បើលរថយន្តម៉ាកតូយ៉ូតា ហាយប្រីត ពណ៍ស ពាក់ស្លាកលេខ ភ្នំពេញ2AK-4041 បើកតាមផ្លូវលេខ៧០ ក្នុងទិសដៅពីលិចទៅកើត បានជ្រុលទៅបុក ម៉ូតូម៉ាកឌ្រីម ពណ៍ខ្មៅ ពាក់ស្លាកលេខ កំពង់ចាម 1W-7243 ជិះដោយបុរស២នាក់ បណ្ដាលឲ្យរងរបួសធ្ងន់ទាំង២នាក់។ ក្រោយពេលកើតហេតុ អ្នកបើករថយន្តបានបន្ថែមល្បឿនបើករត់អូសទាំងម៉ូតូរហូតទៅដល់គល់ស្ពានជ្រោយចង្វា ទើបរបូតម៉ូតូចេញ ហើយរថយន្តនៅតែបន្តបើករត់ឆ្លងស្ពានជ្រោយចង្វា តែត្រូវបានប្រជាពលរដ្ឋនិងសមត្ថកិច្ចតាមឃាត់បាន។
បន្ទាប់ពីកើតហេតុ សមត្ថកិច្ចមូលដ្ឋានបានចុះមកដល់កន្លែងកើត និងសមត្ថកិច្ចជំនាញផ្នែកចរាចរ នាំយករថយន្ត និងម៉ូតូទៅរក្សាទុកនៅការិយាល័យចរាចរផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នានៅពេលក្រោយ៕ជ្រោយពេជ្រ
