ភ្នំពេញ៖ យុវជនម្នាក់ត្រូវបានឪពុកនារីរងគ្រោះចាប់យកមកប្រគល់អោយសមត្ថកិច្ចប៉ុស្តិ៍ក្រាំងធ្នង់ បន្ទាប់ពីខ្លួនបានធ្វេីសកម្មភាពរួមភេទនិងកូនស្រីរបស់គាត់ដែលទើបតែមានអាយុ១៤ឆ្នាំបានសម្រេច ។

ហេតុការណ៍នេះបានកេីតឡេីងកាលពីវេលាម៉ោង១០ និង២០នាទីយប់ថ្ងៃទី២៤ ខែវិច្ឆិកា ឆ្នាំ២០១៥នៅចំណុចដីឡូត៍ ផ្លូវលំ ភូមិក្រាំងអង្រ្គង សង្កាត់ក្រាំងធ្នង់ ខណ្ឌសែនសុខ ។

ជនល្មេីសមានឈ្នោះ អោ រ័ត្ននី ភេទប្រុស អាយុ១៩ឆ្នាំមុខរបរជាពិតប្រាកដ ស្នាក់នៅបន្ទប់ជួល ភូមិក្រាំងអង្រ្កង សង្កាត់ក្រាំធ្នង់ ខណ្ឌសែនសុខ ។
ចំណែកក្មេងស្រីរងគ្រោះមានឈ្មោះ ហន ចន្ទ័មករា អាយុ១៤ឆ្នាំ មុខរបរកម្មកររោងចក្រ ស្នាក់នៅបន្ទប់ជួលជិតគ្នាជាមួយជនល្មើស មានស្រុកកំណេីត ភូមិចន្លាត់ដៃ ឃុំរវៀង ស្រុកសំរោង ខេត្តតាកែវ ។

ប្រភពពីសមត្ថកិច្ចបានអោយដឹងថានៅវេលាម៉ោងកេីតហេតុខាងលេីមានបុរសម្នាក់ឈ្មោះ អ៊ុំ ធូ អាយុ២៨ឆ្នាំ បានឃាត់ខ្លួនយុវជនខាងលេីយកមកប្រគល់អោយសមត្ថកិច្ចដោយចោទថាជននេះបានចាប់កូនស្រីគាត់រួមភេទរហូតបានសម្រេច កាលពីវេលាម៉ោងប្រហែល៨និង៤០នាទីយប់នៅចំណុចដីឡូតិ៍មួយកន្លែងពេលនោះសមត្ថកិច្ចក៏ធ្វេីការឃាត់ខ្លួនតែម្តង ។

នៅចំពោះមុខសមត្ថកិច្ចជនសង្ស័យបានឆ្លេីយសារភាពថារូបគេបានស្គាល់នារីរងគ្រោះរយៈពេល៥ថ្ងៃហេីយរូបគេក៏មានទំនាក់ទំនងស្នេហានិងគ្នាហេីយលុះនៅយប់កេីតហេតុរូបគេបានខ័លហៅនារីរងគ្រោះមកនិយាយគ្នាលេងនៅចំណុចដីឡូតិ៍ខាងលេីពេលនោះរូបគេក៍បានសុំនារីរងគ្រោះរួមរក្សរហូតបានសម្រេចដោយពុំមានការបង្ខិតបង្ខំនោះទេ ។

សមត្ថកិច្ចបានអោយដឹងថាទោះបីជាជនសង្ស័យបានឆ្លេីយថានារីរងគ្រោះយល់ព្រមក៏ដោយក៏ត្រូវមានទោសដែរ ព្រោះនារីរងគ្រោះជាអនិតិជនដែលមានអាយុក្រោម១៥ឆ្នាំ ៕

ដោយ៖ តុង សីហា