ភ្នំពេញ ៖ កំពូលតារាចម្រៀងប្រចាំព្រះរាជាណាចក្រកម្ពុជាកញ្ញា ឱក សុគន្ធកញ្ញា បានទិញខុនដូ៦យូនីតរបស់គម្រោង”R&FGlory”។នេះបើតាមការអះអាងរបស់ក្រុមហ៊ុនអ&អេហ្វប្រផឹធីកាលពីថ្ងៃទី២៩ខែកញ្ញា ឆ្នាំ២០១៨កន្លងទៅ។
សូមបញ្ជាក់ថាការទិញខុនដូនេះក្រោយពីឱកសុគន្ធកញ្ញាបានក្លាយជាឯកអគ្គរដ្ឋទូតសុច្ឆន្ទៈរបស់ក្រុមហ៊ុនអ&អេហ្វប្រផឹធីដែលត្រូវបានចុះហត្ថលេខាកាលពីថ្ងៃទី២៧ខែកញ្ញាឆ្នាំ២០១៨។ក្នុងឱកាសទិញខុនដូនោះកញ្ញាបានស្វែងយល់អំពីគម្រោងនេះយ៉ាងល្អិតល្អន់និងបានដើរមើលទីតាំងបន្ទប់និងការរចនារបស់គម្រោង។
ក្នុងជំនួបជាមួយលោកស៊ូវិនសួយអគ្គនាយកR&FPropertyកញ្ញាឱកសុគន្ធកញ្ញាបាននិយាយថា៖នាងមានកិត្តិយសណាស់ដែលបានក្លាយជាឯកអគ្គរដ្ឋទូតសុច្ឆន្ទៈតំណាងឱ្យក្រុមហ៊ុនអ&អេហ្វប្រផឹធី។កញ្ញាបានសរសើរនូវភាពទាន់សម័យឈានមុខស្តង់ដាររស់នៅជាន់ខ្ពស់របស់គម្រោងដែលរចនាយ៉ាងស្រស់ស្អាត។ក្នុងឱកាសនោះដែរកញ្ញាក៏បានច្រៀងបទចម្រៀងថ្មីរបស់នាងហើយទទួលបានការគាំទ្រយ៉ាងខ្លាំង។
លោកស៊ូ វិនសួយ អគ្គនាយក R&F Property បានបញ្ជាក់ថាអ & អេហ្វ បានអភិវឌ្ឍគម្រោងថ្មីមួយទៀត គឺគម្រោងអ&អេហ្វហ័រហ្វ៊ូជាគម្រោងអគារខ្ពស់និងទាន់សម័យជាងគេនៅកណ្តាលរាជធានីភ្នំពេញ។គម្រោងថ្មីនេះគឺអគារស្នាក់នៅសម្រាប់អភិជនជាន់ខ្ពស់កម្ពស់១៧៤ម៉ែត្រនិង៥៧ជាន់និងមានទីតាំងផ្លូវប្រសព្វរវាងមហាវិថីព្រះមុនីវង្ស ផ្លូវ២៧១និងផ្លូវ៦០ម៉ែត្រ។
នៅជិតនោះមានទន្លេផ្សារទំនើបមន្ទីរពេទ្យសាលារៀនទីតាំងពាណិជ្ជកម្មនិងកន្លែងផ្តល់សេវារដ្ឋបាលជាច្រើនទៀត។ គម្រោងអ&អេហ្វហ័រហ្វ៊ូក៏មានស្កាយបារ(SkyBar)ក្លិបហាត់ប្រាណសួនច្បារ១ពាន់ម៉ែត្រការ៉េសួនអាកាស២៤០០ម៉ែត្រការ៉េ កន្លែងសម្រាកនិងកម្សាន្ត៕ ស តារា
