ខេត្តបាត់ដំបង: មានករណីគ្រោះថ្នាក់ចរាចរណ៍មួយកើតឡើងដោយគោយន្តកន្រ្តៃ ម៉ាកគូបូតាដឹកបងប្អូនសាច់ញាតិទៅធ្វើបុណ្យកាន់បិណ្ឌទៅវត្តកោះថ្កូវ ហើយពេលដល់ពាក់កណ្តាលផ្លូវក៏រេចង្កូតចូលប្រឡាយក្រឡាប់ខ្លួនឯង ស្លាប់ម្នាក់ និងរបួសធ្ងន់ស្រាល៩នាក់។
ឧបទ្ទវហេតុនេះកើតឡើងកាលពីវេលាម៉ោង២និង២០នាទីរសៀល ថ្ងៃ អាទិត្យ ៦ រោច ខែ ភទ្របទ ឆ្នាំ ច សំរឹទ្ធិស័ក ព.ស.២៥៦២ ត្រូវនឹង ថ្ងៃទី៣០ ខែកញ្ញា ឆ្នាំ២០១៨ តាមផ្លូវប្រឡាយថ្មី នៅភូមិបឹងជ្រៃតូចកោះថ្កូវ ឃុំគារលើ ស្រុកមោងឫស្សី ខេត្តបាត់ដំបង ខណៈ បើកតាមផ្លូវលំក្នុងភូមិ ទិសដៅពីជើងទៅត្បូង។
ក្រោយកើតហេតុ គោយន្ត ត្រូវបានសមត្ថកិច្ចនគរបាលចរាចរស្រុកមោងឫស្សីយកទៅរក្សាទុកនៅអធិការដ្ឋាននគរបាលស្រុកមោងឫស្សី រីឯសាកសពប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
...
