ខេត្តស្វាយរៀង ៖ មានការភ្ញាក់ផ្អើលទាំងព្រឹកដល់អ្នកភូមិនាំគ្នាជួយសង្គ្រោះធ្វើចលនាដៃជើងនិងដឹកមកសង្គ្រោះនៅមន្ទីពេ្យប៉ុន្តែអកុសលជួយបានយុវជនម្នាក់ចំណែកម្នាក់ទៀតមានសភាពឈ្លក់ទឹកធ្ងន់ធ្ងរពេកក៏ដាច់ខ្យល់បន្ទាប់ពីលង់ទឹកប្រលាយព្រែកជីកកាលពីវេលាម៉ោង៦និង៣០នាទីព្រឹកថ្ងៃទី១ខែតុលាឆ្នាំ២០១៨ នៅក្នុងភូមិ​ត្រពាំងរំដេញឃុំត្រពាំងស្តៅស្រុករមាសហែកខេត្តស្វាយរៀង។

បើតាមសមត្ថកិច្ចនគរបាលស្រុករមាសហែកបានអោយដឹងថាក្មេងប្រុសដែលស្លាប់មានឈ្មោះវ៉ាន់ ណែតអាយុ១២ឆ្នាំ មុខរបរសិស្សមានទីលំនៅភូមិត្រពាំងរំដេញ ឃុំត្រពាំងស្តៅ ស្រុករមាសហែក។

ចំណែកយុវជនដែលសង្គ្រោះទាន់ពេលមានឈ្មោះ វ៉ាន់ វណ្ណាអាយុ15ឆ្នាំមុខរស់នៅភូមិត្រពាំងរំដេញឃុំត្រពាំង ស្តៅស្រុករមាសហែក។

បើតាមសាក្សីបានអោយដឹងថាមុនកើតហេតុឃើញយុវជនម្នាក់និងក្មេងប្រុសម្នាក់កំពុងចុះលេងទឹកប្រឡាយព្រែកជីកប្រមាណេជាកន្លះម៉ោងស្រាប់តែមានការស្រែកពីក្មេងនោះថាជួយផងលង់ទឹកហើយទើបផ្អើលឆោឡោដល់អ្នកភូមិក្បែនោះនាំគ្នាប្រញាប់ប្រញាលលោតចូលទឹកប្រឡាយជួយសង្គ្រោះជីវិតអកុសលជួយបានតែម្នាក់និងម្នាក់ទៀតឈ្លក់ទឹកធ្ងន់ធ្ងរក៏ដាច់ខ្យល់ស្លាប់បាត់គួរអោយសង្វេគ។

ក្រោយកើតហេតុសមត្ថកិច្ចបានធ្វើកំណត់ហេតុនិងប្រគល់សពក្មេងប្រុសឈ្មោះវ៉ាន់ ណែតទៅអោយក្រុមគ្រួសារ​យកទៅធ្វើបុណ្យតាមប្រពៃណី ៕