ជនសង្ស័យម្នាក់ត្រូវបានកម្លាំងសមត្ថកិច្ចប៉ុស្តិ៍នគរបាលរដ្ឋាបាលផ្សារដើមថ្កូវឃាត់ខ្លួនពីបទជួញដូរនិងប្រើប្រាស់គ្រឿងញៀន

ចែករំលែក៖

ភ្នំពេញ៖ កម្លាំងសមត្ថកិច្ចប៉ុស្តិ៍នគរបាលផ្សារដើមថ្កូវ ធ្វើការឃាត់ខ្លួនជនសង្ស័យម្នាក់ កាលពីវេលាម៉ោង១៧ និង៤០នាទីល្ងាច ថ្ងៃទី២៦ ខែវិច្ឆិកាឆ្នាំ២០១៥ នៅចំណុចផ្ទះគ្មានលេខ ច្រកចូលផ្លូវឌឿងហែមក្រោយក្រុមហ៊ុន QB(013)ផ្លូវមុន្នីវង្ស ក្រុម32 ភូមិ5 សង្កាត់ផ្សារដើមថ្កូវ ខណ្ឌចំការមន ។

image1 (1)

ប្រភពព័ត៌មានពីសមត្ថកិច្ចបានប្រាប់អោយដឹងថា ជនសង្ស័យមានឈ្មោះម៉ា ចាន់ថន អាយុ30ឆ្នាំ រស់នៅផ្ទះលេខ41E2Z ផ្លូវ108 ភូមិ5 សង្កាត់វត្តភ្នំ ខណ្ឌដូនពេញ រាជធានីភ្នំពេញ ជិះម៉ូតូម៉ាកហុងដាឌ្រីម សេ125 ស៊េរី2011ពណ៌ខ្មៅពាក់ស្លាក់លេខភ្នំពេញ1BA-9124 ដក់ហូតឧបករណ៍ញេច់ថ្នាំ1ដើម, ជញ្ជីងថ្លឹងថ្នាំ2គ្រឿង, ថ្នាំយ៉ាម៉ាផ្កាឈូក13គ្រាប់, ក្រាមពណ៌ស1កញ្ចប់ធំ និង3កញ្ចប់តូច, លុយចំនួន20មឺុនរៀល រួមមានវត្ថុតាងមួយចំនួនទៀត ។

ប្រភពដដែលបានឲ្យដឹងបន្តថា មុនពេលកើតហេតុកម្លាំងសមត្ថកិច្ចប្រចាំការប៉ុស្ដិ៍នគរបាលផ្សារដើមថ្កូវកំពុងល្បាតនៅក្នុងភូមិសាស្ត្ររបស់ខ្លួនក៏ប្រទះឃើញបុរសម្នាក់ជិះម៉ូតូម្នាក់ឯង ខណៈនោះជនសង្ស័យហាក់មានការភិតភ័យបម្រុងជិះគេចខ្លួនធ្វើឲ្យសមត្ថកិច្ចមានការសង្ស័យក៏ប្រដេញតាម និងស្ទាក់ចាប់ធ្វើការឆែកឆេរឃើញគ្រឿងញៀន១កញ្ចប់ធំ, យ៉ាម៉ា១៣គ្រាប់, ជញ្ជីងថ្លឹង2, សម្រាប់ញេចគ្រឿងញៀន១ និងថង់សម្រាប់ច្រកគ្រឿងញៀនមួយចំនួន ព្រមទាំងវត្ថុតាងមួយចំនួនទៀតដែលនៅលើដងខ្លួន ។

បន្ទាប់ពីធ្វើការឃាត់ខ្លួនជនសង្ស័យរួចមកសមត្ថកិច្ចបានបញ្ជូនជនសង្ស័យទៅប៉ុស្តិ៍នគរបាលរដ្ឋបាលផ្សារដើមថ្កូវដើម្បីធ្វើការសាកសួរ និងកសាងសំណុំរឿងបញ្ចូនបន្តទៅកាន់អធិការដ្ឋាននគរបាលខណ្ឌចំការមន ដើម្បីចាត់ការតាមផ្លូវច្បាប់ ៕