លោកទេសរដ្ឋមន្រ្តី អូស្មាន ហាស្សាន់៖ ដឹកនាំគណៈប្រតិភូ ចូលរួមទិវាបុណ្យជាតិអារ៉ាប៊ីសាអូឌីតលើកទី៨៨ នៅក្រុងហាណូយ

ចែករំលែក៖

ទីក្រុងហាណូយ ៖ ដោយមានការឯកភាពជាគោលការណ៍ដ៏ខ្ពង់ខ្ពស់ពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា លោកឧកញ៉ា អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស ដឹកនាំគណៈប្រតិភូ ចូលរួមទិវាបុណ្យជាតិអារ៉ាប៊ីសាអូឌីតលើកទី៨៨ នៅស្ថានទូតអារ៉ាប៊ីសា អូឌីត នៅទីក្រុងហាណូយ ប្រទេសវៀតណាម ដែលបានធ្វើឡើង នៅល្ងាចថ្ងៃ០១កើត ខែអស្សុជ ឆ្នាំចសំរឹទ្ធិស័ក ព.ស២៥៦២ត្រូវនិងទី១០ ខែតុលា ឆ្នាំ២០១៨ នៅសណ្ឋាគា Intercontinental ទីក្រុងហាណូយ ប្រទេសវៀតណាម។

គណៈប្រតិភូកម្ពុជា ត្រូវបានទទួលបដិសណ្ឋារកិច្ចស្វាគមន៍ ពីសំណាក់ ម្ចាស់ផ្ទះ លោក Mohammed F. N. Alshaklan ភារធារីស្ថានទូតអារ៉ាប៊ីសាអូឌីតប្រចាំកម្ពុជា ដែលមាននិវេសនដ្ឋាន នៅទីក្រុងហាណូយ ប្រទេស វៀតណាម ជាមួយបណ្តាអង្គទូត ភារធារី ប្រទេសនានាជាច្រើនទៀតដែលមាននិវេសនដ្ឋាននៅទីក្រុងហាណូយ ។

ក្នុងឱកាសនេះដែរ លោកភារធារី បានថ្លែងការកោតសរសើរចំពោះគណៈប្រតិភូកម្ពុជា ដែលបានផ្តល់កិត្តិយក្នុងការចូលរួមទិវាជាតិនេះតបតាមការអញ្ជើញរបស់ស្ថានទូត ហើយចាត់ទុកការចូលរួមនេះ គឺជាការបង្ហាញពីទំនាក់ទំនងជិតស្និទ្ធទ្វេរភាគីរវាងប្រទេសទាំង២ កាន់តែប្រសើរថែមទៀត។ លោកភារធារី បានអបអរសាទរដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលទទួលបានជោគជ័យដ៏ធំធេងក្នុងការបោះឆ្នោតជ្រើសតាំងតំណាង រាស្ត្រនីតិកាលទី៦ ដែលបានធ្វើឡើងកាលពីថ្ងៃទី២៩ ខែកក្កដា ឆ្នាំ២០១៨។

លោកទេសរដ្ឋមន្រ្តី អូស្មាន ហាស្សាន់ បានកោតសរសើរដល់រាជរដ្ឋាភិបាលអារ៉ាប៊ីសាអូឌីត ដែលជារៀងរាល់ឆ្នាំតែង តែបានសម្រួលកិច្ចការប្រារព្ធពិធីបុណ្យធម្មយាត្រាហាជ្ជរៀងរាល់ឆ្នាំដល់ប្រជាពលរដ្ឋខ្មែរ និងបានអនុគ្រោះកូតា មិនកំណត់ចំនួន អ្នកទៅបំពេញធម្មយាត្រាហាជ្ជពីព្រះរា ជាណាចក្រកម្ពុជា។ លោកក៏បានថ្លែងអំណរគុណផងដែរ ចំពោះការផ្តល់អាហារូបករណ៍ដល់និស្សិតកម្ពុជា ជារៀងរាល់ឆ្នាំ និងការផ្តល់ជំនួយផ្សេងៗចូលរួមអភិវឌ្ឍន៍ធនធានមនុស្ស និង ការកាត់បន្ថយភាពក្រីក្រជាមួយរាជរដ្ឋាភិបាលកម្ពុជា៕ ដោយ៖ សំរិត

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print