ខេត្តបាត់ដំបង ៖ បុរសម្នាក់ បានស្លាប់ នៅក្នុងថ្លុកឈាម ដោយសារបើកម៉ូតូលឿន មិនប្រយ័ត្ន ជ្រុលទៅបុករថយន្ត ដែលកំពុងខូច ឈប់ប្តូរកង់ នៅតាមចិញ្ចើមផ្លូវ កាលពីវេលាម៉ោង ៩និង១០ នាទី យប់ ថ្ងៃ អង្គារ ៧ កើត ខែ អស្សុជ ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៦ ខែតុលា ឆ្នាំ២០១៨ តាមបណ្តោយ ផ្លូវជាតិលេខ៥ នៅចំណុច ក្រុមទី១០ ភូមិស្វាយជ្រុំ ឃុំជ្រៃ ស្រុកថ្មគោល ខេត្តបាត់ដំបង។
សមត្ថកិច្ចនគរបាលចរាចរណ៍ស្រុកថ្មគោល បានឲ្យដឹងថា មុនពេលកើតហេតុមានរថយន្តម៉ាក នីសាន់ ពណ៌ទឹកប៊ិចមយយគ្រឿង ពាក់ស្លាកលេខ ភ្នំពេញ ២F-០១៧៨ បើកបរតាមបណ្តោយផ្លូវជាតិលេខ៥ ពី ខាងជើងទៅត្បូង។ លុះពេលទៅដល់ ចំណុចកើតហេតុ បានឈប់ដូរកង់ដោយមិនមានភ្លើងស៊ីញ៉ូ ឬ ដាកអ្វីជាសម្គាល់នៅឡើយ។ ក្រោយមក ស្រាប់តែមាន ម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខ បាត់ដំបង ១T-៨៤៩៤ បើកបរស្របទិសគ្នា ក្នុងល្បឿនលឿន ដោយមានឌុបគ្នា ៣នាក់ ទាំងអ្នកបើកបរ បានបុករថយន្ត ចំស្តុបពីក្រោយ ផ្នែកខាងឆ្វេង បណ្តាលឲ្យ ស្លាប់នៅនឹងកន្លែងម្នាក់ និងរបួសធ្ងន់ចំនួន ២នាក់ តែម្តង ។
ប្រភពដដែលបានឲ្យដឹងទៀតថា អ្នកបើកបរ រថយន្ត មិនស្គាល់ អត្តសញ្ញាណ បានរត់គេចខ្លួនបាត់ ។ ឯអ្នកបើកបរម៉ូតូ ឈ្មោះ សារិន ទិនឡោះ ភេទប្រុស អាយុ ២២ឆ្នាំ នៅភូមិ និងឃុំ អូរតាគី ស្រុកថ្មគោល ខេត្តបាត់ដំបង ស្លាប់នៅនឹង កន្លែងកើតហេតុ មិនពាក់ មួកសុវត្ថិភាព។ ចំណែកអ្នករួមដំណើរ ឈ្មោះ យឿន ម៉ុនថៃ ភេទប្រុស អាយុ ២០ឆ្នាំ រស់នៅ ភូមិឃុំ ជាមួយគ្នា របួសធ្ងន់ គ្មានមួក និង អ្នករួមដំណើរម្នាក់ទៀត ឈ្មោះ តែម តាភេទប្រុស អាយុ ២២ឆ្នាំ រស់នៅភូមិឃុំ ជាមួយគ្នា របួសធ្ងន់ គ្មានមួកសុវត្ថិភាព។ ក្រោយមកសមត្ថកិច្ចនគរបាលចរាចរទៅដល់វាស់ និងប្រគល់សពឲ្យក្រុមគ្រួសារយកទៅធ្វើ បុណ្តតាមប្រពៃណី ៕
