ភ្នំពេញ៖ ភាពភ្ញាក់ផ្អើលមួយបានកើតឡើងបន្ទាប់ពីមេភូមិម្នាក់ត្រូវបានយុវជនសង្ស័យ២នាក់ជិះម៉ូតូឈប់ចាំនឹងផ្លូវរួចចាប់ជនរងគ្រោះស្រោចទឹកអាស៊ីដ បណ្តាលឲ្យរងរបួសជាទម្ងន់ ។
ហេតុការណ៍នេះបានកើតឡើងនៅវេលាម៉ោង៥និង៣០នាទីព្រឹកថ្ងៃទី២៨ ខែវិច្ឆិកា ឆ្នាំ២០១៥ស្ថិតនៅចំណុចក្រុម៨ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
ជនរងគ្រោះឈ្មោះ ញឹម សុផាត អាយុ៦០ឆ្នាំ ជាមេភូមិបឹងសាឡាង មានទីលំនៅសង្កាត់ខាងលើ ។
ចំណែកជនសង្ស័យត្រូវបានគេអះអាងថា មានគ្នា២នាក់ជិះម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ មិនចាំស្លាកលេខ ។ បច្ចុប្បន្នជនរងគ្រោះកំពុងសម្រាកនៅក្នុងមន្ទីរពេទ្យ ៕
...
ដោយ៖ អារុណរះ
