ភ្នំពេញ៖ បុរសម្នាក់ជិះម៉ូតូក្នុងល្បឿនលឿនដល់ចំណុចផ្លូវកោងបួងចង្កូតមិនទាន់ជ្រុលបុករង្វង់មូលចោមចៅបណ្តាលឲ្យរងរបួសធ្ងន់ ។
ហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ថ្ងៃទី២៧ ខែវិច្ឆិកា ឆ្នាំ២០១៥ នៅចំណុចរង្វង់មូលចោមចៅខាងលិច តាមបណ្តោយផ្លូវជាតិលេខ៤ ភូមិថ្នល់បំបែកសង្កាត់ចោមចៅ ខណ្ឌពោធិ៍សែនជ័យ ។
តាមសាក្សីនៅកន្លែងកើតហេតុបានអោយដឹងថានៅ មុនពេលកើតហេតុគេបានឃើញបុរសម្នាក់ជិះម៉ូតូឌ្រឹម សងមួយគ្រឿង តាមបណ្តោយផ្លូវជាតិលេខ៤ ក្នុងទិសដៅពីលិចទៅកើតខណះ មកដល់ចំណុចរង្វង់មូលដោយមានស្ថានភាពផ្លូវកោងបួងចង្កូតមិនទាន់ក៏ជ្រុលទៅបុកឃឿនរង្វង់មូល សួនច្បារហោះផ្លោងឡើងបណ្តាលឲ្យដួលរបួសធ្ងន់ធ្ងរ ។
ក្រោយពេលកើតហេតុជនរងគ្រោះត្រូវរថយន្តសង្គ្រោះដឹកទៅមន្ទីរពេទ្យភ្លាមៗរីឯម៉ូតូត្រូវសមត្ថកិច្ចយកទៅរក្សាទុកនៅប៉ុស្តិ៍នគរបាលចោមចៅរងចាំដោះស្រាយពេលក្រោយ ។
គួរបញ្ជាក់ថាជនរងគ្រោះទំនងជាស្រវឹទើបជិះម៉ូតូលឿនដោយមិនបានមើលផ្លូវកោងនិងជ្រុលបុកឃឿនសួនច្បារបែបនេះ ៕
ដោយ៖ សុខា សែនជ័យ
