ភ្នំពេញ៖ នៅព្រលប់ថ្ងៃទី២៧ ខែវិច្ឆិកា ឆ្នាំ២០១៥ កម្លាំងកររាជអាវុធហត្ថខណ្ឌមានជ័យ បានឃាត់ខ្លួនជនសង្ស័យម្នាក់ ដែលបានបង្កហិង្សាដល់ផ្ទះអ្នកដ៏ទៃ នៅចំណុចបុរីម៉េងលី ផ្ទះលេខ៤០E0 ស្ថិតក្នុងក្រុម១ ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ។
ប្រភពព័ត៌មានពីមន្ដ្រីកងរាជអាវុធហត្ថបានឲ្យដឹងថា ជនសង្ស័យដែលត្រូវបានឃាត់ខ្លួនេះ ឈ្មោះឡាំ លាវ ភេទប្រុស អាយុ២០ឆ្នាំ មុខរបរនិងទីលំនៅមិនពិតប្រាកដ។
ប្រភពដដែលបានបន្ដថា ការឃាត់ខ្លួនជនសង្ស័យខាងលើ បន្ទាប់ពីកម្លាំងបានទទួលការរាយការណ៍ពីប្រជាពលរដ្ឋថា ជនសង្ស័យខាងលើបានបែកបែកថ្នាំ និងបានចូលទៅបង្កហិង្សាដល់ផ្ទះខាងលើ បណ្ដាលឲ្យមានមនុស្សរបួស ទើបកម្លាំងបានចុះទៅដល់ហើយក៏ឃាត់ខ្លួនជនសង្ស័យនៅនឹងកន្លែងតែម្ដង។
ក្រោយពីបានឃាត់និងសាកសួរមក កងកម្លាំងរាជអាវុធហត្ថខណ្ឌមានជ័យប្រចាំការនៅសង្កាត់ស្ទឹងមានជ័យ បានបញ្ជូនយុវជនបែកថ្នាំ ខាងលើយកទៅ កងរាជអាវុធហត្ថក្រុងភ្នំពេញដើម្បីសួរនាំនិងចាត់ការតាមនិតិវិធី៕
ដោយ៖ វិបុល
