ភ្នំពេញ ៖ មានករណីឆ្លងចរន្តអគ្គិសនីបណ្ដាលឲ្យឆេះតូបលក់គ្រឿងបន្លាស់រថយន្តមួយកន្លែង បង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចកាលពីវេលា ម៉ោង២២ និង៣៥នាទីយប់ ថ្ងៃសុក្រ ទី២៦ ខែតុលា ឆ្នាំ២០១៨ ត្រង់ចំណុចជិតអង្តែនទួលគោក  ឆេះតូបស៊ាង  ហាក់ លេខB២៤ តាមបណ្តោយផ្លូវ២៨៩ កែងនិងផ្លូវ២៧៣ស្ថិតនៅ ក្នុងក្រុម៥២ ភូមិ១៣  សង្កាត់បឹងកក់ទី១  ខណ្ឌទួលគោក  រាជធានីភ្នំពេញ។

តាមសម្តីបុរសម្នាក់ដែលមានតូបជាប់តូបដែលឆេះបានប្រាប់ថាមុនដំបូងរូបគាត់បានធុំក្លិនឈ្ងៀម គាត់បានដើរមើលក្នុងតូបរបស់គាត់មិនឃើញមានអី រូបគាត់បានចេញមកខាងក្រៅទើបឃើញតូបខាងលើមានផ្សែងហ៊ុយ  ខណៈពេលនោះរូបគាត់បានស្រែកហៅគេឯងជួយ បង្កឲ្យមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋនិងសមត្ថកិច្ចចុះមកអន្តរាគមន៏ហើយក៏ទាក់ទងទៅអង្គភាពពន្លត់អគ្គីភ័យមួយសន្ទុះក្រោយមករថយន្តពន្លត់អគ្គីភ័យបានមកដល់ក៏បាញ់ពន្លត់ តែដោយសារតូបកើតហេតុខាងលើចាក់សោរពីក្រៅ ពេលនោះប្រជាពលរដ្ឋរួមទាំងសមត្ថកិច្ចក៏វ៉ៃកម្ទិចសោរចោលដើម្បីបើកទ្វារបាញ់ទឹកចូល។

ក្នុងពេលនោះដែររថយន្តពន្លត់អគ្គីភ័យក៏មកជាបន្តបន្ទាប់ហើយក៏បានបាញ់ស្កាត់ពីការាស់សាំpttដើម្បីកំឲ្យឆ្លងទៅដល់ ដោយការបាញ់ពន្លត់អគ្គីភ័យនោះ បានប្រើពេលកន្លះម៉ោង និងប្រើប្រាស់ឡានទឹកអស់ចំនួន១៨គ្រឿង បាញ់អស់ចំនួន៧គ្រឿង ទើបរលត់ទៅវិញជាស្ថាពរ ដោយការខូចខាតនូវសម្ភារៈគ្រឿងបន្លះឡានអស់ប្រហែល៧០ភាគរយ។

មូលហេតុ បង្កឲ្យមានអគ្គីភ័យនេះកើតឡើងបណ្ដាលមកពីឆ្លងចរន្តអគ្គីសនីដោយសារម្ចាស់តូបមិនបាន​បិតឌីសុងទ័រហើយបានចាក់សោរពីក្រៅទៅដេកឯផ្ទះផ្សេង ៕ដោយ៖ ភារ៉ា ដង្កោ