ខេត្តកំពង់ធំៈ យុវជនម្នាក់បានធ្វើអត្តឃាតចងករ សម្លាប់ខ្លួន ព្រោះតែខឹងម្តាយស្តីបន្ទោសជាច្រើនដងពេកហេតុការណ៏នេះបានកើតឡើងនៅវេលាម៉ោង១១និង៣០នាទីថ្ងៃសុក្រ ២រោជ ខែអស្សុជ្ឋ ឆ្នាំចសំរឹទ្ធិស័ក ព.ស ថ្ងៃទី២៦.១០.២០១៨ សមត្ថកិច្ចបានឱដឹងថា ជនរងគ្រោះឈ្មោះ ទត ទង ប្រុស អាយុ២០ឆ្នាំមុខរបរធ្វើស្រែ នៅភូមិព្រហ៊ូត ឃុំផាន់ញើម ស្រុកប្រាសាទបល្ល័ង្ក ខេត្តកំពង់ធំ ។

   យោងតាមការបំភ្លឺរបស់ឈ្មោះ ឈន ថាន ភេទស្រី អាយុ ៥៥ឆ្នាំ(ត្រូវជាម្ដាយបង្កើត)បានបំភ្លឺប្រាប់ថាៈកូនប្រុសរបស់គាត់តែងតែរករឿង និងមួម៉ៅដាក់គាត់ស្ទើរាល់ថ្ងៃ ហើយធ្លាប់បានរត់ទៅចងក នៅលើដើមស្វាយចន្ទីម្ដងមកហើយ តែគាត់ជួយទាន់ នៅថ្ងៃកើតហេតុវេលាម៉ោងប្រហែល ៧.៣០នាទីវាបានរករឿង និងស្ដីឲ្យនាងខ្ញុំថា ចាស់ហើយល្ងង់មិនដឹងអីទេម៉ែឯង នាងខ្ញុំបានតបវិញថា ម៉ែចាស់ហើយល្ងង់ចឹង កូនឯងនៅក្មេងចេះទៅ ពេលនោះវាខឹងហើយបានយកកៅអីជ័រមកទន្ទ្រាំបាក់អស់ ១ នាងខ្ញុំមិនតបអ្វីទេក៏យកកាំបិតទៅកាប់ស្លឹកត្នោតនៅក្រោយផ្ទះបាត់ទៅ លុះដល់ម៉ោងប្រហែល ១១.៣០នាទីបានត្រឡប់មកផ្ទះវិញ លឺសម្លេងមាន់ចឹកស៊ីស្រូវលើជង្រុក ក៏ដើរទៅដេញស្រាប់តែឃើញកូនប្រុសនាងខ្ញុំចងក និងខ្សែនីឡុងពណ៌ខ្មៅ ទៅនិងឃ្នៀបជង្រុកស្រូវខាងលើ លានអណ្ដាតស្លាប់មិនដឹងពីពេលណានោះទេ ឃើញដូចនោះ នាងខ្ញុំបានស្រែកហៅអ្នកជិតខាងឲ្យជួយកាត់ខ្សែទម្លាក់មកដី ។

ក្រោយពីទទួលបានពត៌៌មានភ្លាមកម្លាំងជំនាញ និងប៉ុស្ដិ៍នគរបាល.ឃុផាន់ញើម និងអាជ្ញាធរភូមិ

បានចុះដល់កន្លែងកើតហេតុ និងពិនិត្យសាកសព៖  ជនរងគ្រោះបានធ្វើអត្តឃាត(ចងក)ដោយខ្លួនឯង និងខ្សែ លីឡុងពណ៌ខ្មៅ ចងទៅនឹងឃ្នៀបជង្រុកស្រូវខាងលើ សាកសព បានធ្វើការស្រាយយកខ្សែ

ដែលរំព័ទ្ធបំពង់ក ចេញ ឃើញមានស្នាមជាំជុំវិញក ចំនួន ១កន្លែង មានលានអណ្ដាតចេញមកក្រៅ មានទឹកសថ្លានៅចុងលឹង្គ និងមានចេញលាមក។   ក្រៅពីស្លាកស្នាមខាងលើ យើងពិនិត្យពុំឃើញមានអ្វីប្លែកទៀតឡើយ ។

តាមការស្រាវជ្រាវ ពិនិត្យវិភាគ កន្លែងកើតហេតុ អាចឲ្យយើងសន្និដ្ឋានបានថាៈជនរងគ្រោះពិតជាស្លាប់ដោយសាធ្វើអត្តឃាត(ចងក)ដោយខ្លួនឯងប្រាកដមែន ដោយមិនពាក់ព័ន្ធបទល្មើសព្រហ្មទណ្ឌណាមួយឡើយ។

     មូលហេតុៈខឹងនិងម្ដាយស្ដីបន្ទោស ។    សពបានប្រគល់ជូនក្រុមគ្រួសារយកធ្វើបុណ្យ៕ប៊ុនរិទ្ធី