ស្រវឹងស្រាធ្លាក់ភ្នែក បើករថយន្តTAC0MAបុកគេឯងតាមផ្លូវចំនួន៣កន្លែង បណ្ដាលឲ្យរបួសធ្ងន់ស្រាល៣នាក់ត្រូវសមត្ថកិច្ចវៃខ្នោះ

ចែករំលែក៖

ភ្នំពេញ ៖ មានហេតុការណ៍ឆោឡោ និងភ្ញាក់ផ្អើលដល់ប្រជាពលរដ្ឋមួយបានកើតឡើង ខណះដែរបុរសម្នាក់ស្រវឹងស្រាឡើងធ្លាក់ភ្នែក បានបើករថយន្តមួយគ្រឿងបានជ្រុលទៅបុកម៉ូតូនិចរងខូចខាតបន្តិចបន្ទួចមិនព្រមឈប់ដោះស្រាយ និងព្យាយាមបើករត់ទៅបុកម៉ូតូនិងរថយន្តចំនួន២កន្លែងផ្សេងគ្នាទៀត បណ្ដាលឲ្យបុរសម្នាក់រងរបួសធ្ងន់ និងតៃកុងរថយន្តរងគ្រោះ ព្រមទាំងអ្នកបង្ករងរបួសស្រាល២នាក់ ដោយធ្វើឲ្យប្រជាពលរដ្ឋខឹងសម្បារយ៉ាងខ្លាំងបាននាំគ្នាដេញតាម និងចាប់វាយតៃកុងរថយន្តបង្កឡើងទ្រោមខ្លួន ទើបមានសមត្ថកិច្ចមូលដ្ឋានជួយអន្តរាគមន៍ ។
ក្នុងហេតុ​ការណ៍​គ្រោះថ្នាក់ចរាចរណ៍បង្កជាករណីហឹង្សាខាងលើនេះ បានកើតឡើងនៅវេលាម៉ោង១០និង៣០ នាទី យប់ ថ្ងៃទី២៩ ខែតុលា ឆ្នាំ២០១៨ ស្ថិតនៅ​តាមបណ្ដោយផ្លូវ២១៧ ត្រង់ចំនុចអតីតរង្វង់មូលស្ទាតអូរឡាំពិច ក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់ស្រវឹងស្រាឡើងជោគជាំបានបើករថយន្តTACOMA ពណ៌ស ពាក់ស្លាកលេខភ្នំពេញ2AW-9707 ធ្វើដំណើរតាមបណ្ដោយផ្លូវ២១៧ ទិសដៅពីជើងទៅត្បូង ក្នុងល្បឿនលឿន ខណះមកដល់ចំនុចកើតហេតុខាងលើបានជ្រុលទៅប៉ះម៉ូតូនិចមួយគ្រឿងរងការខូចខាតតិចតួច ហើយរថយន្តបង្កមិនព្រមឈប់ទទួលខុសត្រូវនោះទេ ក៏បានព្យាយាម បើករត់ត្រូវប្រជាពរដ្ឋជិះដេញពីក្រោយ ធ្វើឲ្យរថយន្តបង្កនោះទៅបុកបារ៉ាសសមត្ថកិច្ចកំពុងដាល់គោលដៅ អាវុធជាតិផ្ទុះ ហើយបើករត់បន្តតាមបណ្ដោយផ្លូវ៣២៨ដល់កែង២០៥ ក៏ជ្រុលទៅបុកម៉ូតូឌ្រីមសង់មួយគ្រឿងដែលជិះដោយបុរសម្នាក់ពីត្បូងទៅជើងប៉ើងជាង២០ម៉ែត្រ បណ្ដាលឲ្យបុរសម្នាក់រងរបួសធ្ងន់រួចហើយព្យាយាមបើករត់បន្តទៀតមកកែងនិង១៩៩ក៏ជ្រុលទៅបុករថយន្តតូយូតាព្រូស ពណ៌ផ្ទៃមេឃ ពាក់ស្លាកលេខភ្នំពេញ2AP-3521 បើកបរដោយបុរសម្នាក់រួមដំណើរនិងបុរសម្នាក់ទៀត ចំពីមុខពេញទំហឹង បណ្ដាលឲ្យរថយន្តបង្កទៅមុខលែងរួចនិងម្ចាស់រថយន្តព្រូសរងរបួសស្រាល ចំណែកម្ចាស់រថយន្តបង្កត្រូវបានប្រជាពលរដ្ឋនាំគ្នាព្រួតវាយម្នាក់មួយដៃមួយជើងឡើងទ្រោមខ្លួន ទើបមានសមត្ថកិច្ចជួយអន្តរាគមន៍ដឹកចេញពីកន្លែងកើតហេតុ ហើយក្នុងអំឡុងពេលនោះ បុរសម្នាក់ជាម្ចាស់ម៉ូតូដែលរងរបួសធ្ងន់ ត្រូវរថយន្តគ្លីនិចឯកជនដឹកយកទៅសង្គ្រោះភ្លាមៗផងដែរ ។
ក្រោយកើតហេតុ សមត្ថកិច្ចមូលដ្ឋានបានចុះទៅដឹកម្ចាស់រថយន្តបង្ករទៅប៉ុស្តិ៍ទួលស្វាយព្រៃ២រងចាំប្រគល់ឲ្យសមត្ថកិច្ចជំនាញ ដោយរថយន្តបង្ករនិងរថយន្តរងគ្រោះព្រមទាំងម៉ូតូត្រូវបានសមត្ថកិច្ចជំនាញធ្វើការវាស់វែង យកទៅរក្សាទុកនៅការិយាល័យចរាចរណ៌ជើងគោកស្នងការរាជធានីភ្នំពេញរងចាំដោះស្រាយតាមផ្លូវច្បាប់៕ដោយ៖ ភារ៉ា ដង្កោ


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print