បើករថយន្តចុះផ្លូវចំណោតលោកយាយម៉ៅបុកទ្រូងផ្លូវ អ្នកបើកបរខ្ទាតចេញស្លាប់ភ្លាមៗ

ចែករំលែក៖

ខេត្តព្រះសីហនុ ៖ បុរសអ្នកបើកបររថយន្តដឹកខ្សាច់មួយរូបបានស្លាប់ ក្រោយបើករថយន្តចុះផ្លូវចំណោតលោកយាយម៉ៅក្រុងព្រះសីហនុ រួចបុកទ្រូងផ្លូវ បណ្តាលអោយអ្នកបើកបរធ្លាក់ចេញពីរថយន្តរងគ្រោះរហូតដល់បាត់បង់ជីវិត វេលាម៉ោងជាង៤ល្ងាចថ្ងៃ៣០តុលា២០១៨នេះ។
នគរបាលបញ្ជាក់ថាករណីគ្រោះថ្នាក់ចរាចរណ៍នេះកើតឡើងដោយខ្លួនឯង គឺរថយន្តបែនដឹកខ្សាច់ ០១គ្រឿងម៉ាក HYUNDAI ពណ៌ ស ពាក់ស្លាក លេខតាកែវ3A-0638 បើកបរដោយឈ្មោះ វ៉ាន់ ភេទ ប្រុស អាយុ ២៨ឆ្នាំ មុខរបរ អ្នកបើកបររថយន្ត មានទីលំនៅស្រុកស្ទឹងហាវ ខេត្តព្រះសីហនុ មានទិសដៅពីឃ្លាំងលើ ឆ្ពោះទៅ កែងរ៉ា លុះដល់ចំណុចខាងលើស្ថានភាពផ្លូវចុះចំណោត រថយន្តមានល្បឿនលឿនរេចង្កូតមកខាងឆ្វេងដៃបុកនឹងរនាំងពុះចែកផ្លូវ រួចបោកក្រឡាប់ត្រឡប់ក្រោយ បណ្ដាលឲ្យអ្នកបើកបររថយន្តខ្ទាតចេញក្រៅស្លាប់តែម្ដង។
គ្រោះថ្នាក់នេះក៍បណ្ដាលឲ្យខូចខាតរបាំងពុះចែកផ្លូវអស់ចំនួន ០៩ផ្ទាំង និង បង្គោលភ្លើងបំភ្លឺផ្លូវចំនួន ០១ដើម ។ វត្ថុតាង រថយន្ត ០១គ្រឿង សមត្ថកិច្ចជំនាញបានចាត់ចែងស្ទូចយកទៅរក្សាទុកនៅ ការិយាល័យនគរបាលចរាចរផ្លូវគោក ៕ឆ្លាម សមុទ្រ

ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print