ភ្នំពេញ៖ រនាំងដែកពុះចែកទ្រូងផ្លូវ ៨ផ្ទាំងត្រូវខូចខាតដោយសារតែស្ដ្រីជន ជាតិចិនម្នាក់បានបើករថយន្ដឡិចស៊ីស RX៣០០មួយគ្រឿង បុករះកាលពីវេលា ម៉ោង៩និង១០នាទីយប់ ថ្ងៃទី២៩ ខែ វិច្ឆិកា ឆ្នាំ២០១៥ នៅចំណុចមុខ អាកាសយានដ្ឋានអន្ដរជាតិភ្នំពេញ តាម បណ្ដោយមហាវិថីសហព័ន្ធរុស្សី ស្ថិត ក្នុងភូមិក្បាលដំរី សង្កាត់កាកាប ខណ្ឌ ពោធិ៍សែនជ័យ ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុគេបានឃើញ រថយន្ដឡិចស៊ីសRX៣០០ ពណ៌ទឹក ប្រាក់មួយគ្រឿង ពាក់ស្លាកលេខភ្នំពេញ ២O-៥៦៣៧ បើកបរដោយស្ដ្រីជនជាតិ ចិនមិនស្គាល់ឈ្មោះ និងអាស័យដ្ឋាន ម្នាក់ធ្វើដំណើរតាមបណ្ដោយមហាវិថី សហព័ន្ធរុស្សី ទិសដៅពីលិចទៅកើតក្នុង ល្បឿនយ៉ាងលឿន។ ខណៈមកដល់ចំណុច កើតហេតុរថយន្ដនេះបានរេចង្កូតទៅបុករះរនាំងដែកពុះចែកទ្រូងផ្លូវបណ្ដាលឱ្យ បាក់៨ផ្ទាំងខូចខាតយ៉ាងដំណំ។ ចំណែក រថយន្ដដាច់កាឡេខាងឆ្វេងទៅមុខលែង រួច តែសំណាងល្អមិនមាននរណាម្នាក់ រងរបួសក្នុងឧប្បត្ដិហេតុនេះ។ រីឯម្ចាស់ រថយន្ដត្រូវបានសមត្ថកិច្ចឃាត់ខ្លួន។
ក្រោយមកសមត្ថកិច្ចជំនាញបានចុះមកវាស់វែងរួចស្ទូចយករថយន្ដនិងអ្នក បើកបររថយន្ដបង្កទៅកាន់ការិយាល័យនគរបាលចរាចរផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះ ស្រាយតាមនីតិវិធីពេលក្រោយ ៕
ដោយ៖ សុខា សែនជ័យ
