ខេត្ដស្វាយរៀង៖ គ្រោះថ្នាក់ចរាចរណ៍មួយបានកើតឡើងរវាងរថយន្ដនឹងម៉ូតូបណ្ដាលឱ្យនារី២នាក់រងរបួសធ្ងន់ ខណៈ ជិះម៉ូតូបត់ឆ្វេងខ្វះការប្រុងប្រយ័ត្នក៏ត្រូវរថយន្ដបុកពេញទំហឹងកាលពីវេលាម៉ោង៦ល្ងាច ថ្ងៃទី២៨ ខែវិច្ឆិកា ឆ្នាំ២០១៥ នៅលើ កំណាត់ផ្លូវជាតិលេខ១ ស្ថិតនៅ ភូមិអង្គាសដី ឃុំតាសួស ស្រុកស្វាយ ជ្រំ។
បើតាមមន្ដ្រីនគរបាលស្រុកស្វាយជ្រំបានឱ្យដឹងថា មុនពេលកើតហេតុគេ ឃើញមាននារីរងគ្រោះឈ្មោះ យ៉ាត សីហា អាយុ២៣ឆ្នាំ ជានិស្សិត មាន ទីលំនៅភូមិថ្មស ឃុំស្វាយជ្រំ ស្រុក ស្វាយជ្រំ ជិះម៉ូតូម៉ាកហុងដាសេ១២៥ ស៊េរីឆ្នាំ២០១៥ពណ៌ខ្មៅ ពាក់ស្លាកលេខ ភ្នំពេញ១FD-០២៥០និងអ្នករួមដំណើរ ឈ្មោះអ៊ុក រស្មី អាយុ២២ឆ្នាំ ជានិស្សិត រស់ នៅភូមិអង្គាសដី ឃុំតាសួស ស្រុក ស្វាយជ្រំធ្វើដំណើរពីទិសខាងកើតមក លិច ។ លុះមកដល់កន្លែងកើតហេតុ ហើយបត់ឆ្វេងខ្វៈការប្រុងប្រយ័ត្នក៏បុក ជាមួយរថយន្ដមួយគ្រឿងម៉ាកតូយ៉ូតា កាមរី ពណ៌ខៀវមិនចាំស្លាកលេខបើក ស្របទិសគ្នាលឿនបុកម៉ូតូពីក្រោយពេញ ទំហឹងបណ្ដាលឱ្យអ្នកជិះម៉ូតូដួកបោក ក្បាលទៅលើថ្នល់អូសចម្ងាយប្រមាណ៥ម៉ែត្រសន្លប់ស្ដូកស្ដឹងតែម្ដង ។
ក្រោយ កើតហេតុប្រជាពលរដ្ឋបានហៅក្រុម គ្រួសារនិងរថយន្ដសាមុយដឹកជនរងគ្រោះទាំង២នាក់ទៅមន្ទីរពេទ្យខេត្ដដើម្បី ជួយសង្គ្រោះភ្លាមៗផងដែរ។ រីឯអ្នកបើករថយន្ដក្រោយបង្កហេតុក៏បានបន្ថែមល្បឿនបើកគេចខ្លួនទៅទិស ខាងលិចបាត់ស្រមោល ៕
ដោយ៖ យឹម សុថាន
