ភ្នំពេញ៖ ក្នុងរយៈពេល២ថ្ងៃ ចាប់ពី ថ្ងៃទី២៩ដល់៣០ ខែវិច្ឆិកា ឆ្នាំ២០១៥ កម្លាំងនគរបាលខណ្ឌឫស្សីកែវបានឃាត់ ខ្លួនយុវជនសង្ស័យ៣រូប ដាច់ដោយឡែក ពីគ្នា ដោយករណីទី១ ធ្វើឡើងនៅក្នុង សង្កាត់ច្រាំងចំរះ១ និងករណី១ទៀតឋិត នៅក្នុងសង្កាត់-ខណ្ឌឫស្សីកែវ ។
ករណីទី១ ៖ ឃាត់យុវជនម្នាក់ពីបទ លួចយកម៉ូតូ មិនបានសម្រេចធ្វើឡើង កាលពីវេលាម៉ោង១១និង៣០នាទី ថ្ងៃ ទី២៩ ខែវិច្ឆិកា ឆ្នាំ២០១៥ ឋិតនៅផ្ទះ លេខ៤៤ ផ្លូវជាតិលេខ៥ ភូមិ៣ សង្កាត់ ច្រាំងចំរះ១ ខណ្ឌឫស្សីកែវ ។
ជនសង្ស័យមានឈ្មោះ ម៉ៅ សីហា ភេទប្រុស អាយុ២១ឆ្នាំ ផ្ទះជួល ភូមិ ក្រោលគោ សង្កាត់គីឡូម៉ែត្រលេខ៦ ។ ចំណែកជនរងគ្រោះឈ្មោះ លី ស្រាអែល ភេទប្រុស អាយុ៥៨ឆ្នាំ ជនជាតិខ្មែរ អីស្លាម មានទីលំនៅផ្ទះកើតហេតុខាង លើ ហើយម៉ូតូដែលយកមិនបានសម្រេច ម៉ាកស៊ុយហ្ស៊ុយគីឡែត ពណ៌ស គ្មាន ស្លាកលេខ ។
បើតាមការរៀបរាប់ឱ្យដឹងពីជនរង គ្រោះមុនពេលកើតហេតុខ្លួនបានជិះម៉ូតូ នោះមកចតទុកនៅមុខផ្ទះ រួចហើយភ្លេច ដកសោម៉ូតូចេញ ដើរសំដៅទៅយក ប៉ុស្ដផ្សារមកដាក់លើម៉ូតូ ។ ភ្លាមៗនោះ ស្រាប់តែជនសង្ស័យ ម៉ៅ សីហា ដែល កំពុងអង្គុយផឹកកាហ្វេនៅក្បែរនោះឃើញ កូនសោជាប់នឹងម៉ូតូ ក៏ឆ្លៀតឱកាសជិះ កាច់សោជិះចេញបានបន្ដិច ជនរងគ្រោះ ក្រឡេកឃើញទាន់ក៏រត់ចេញពីក្នុងផ្ទះ ហក់ទាក់ម៉ូតូឱ្យដួល រួចស្រែកឆោឡោ ធ្វើឱ្យមានការភ្ញាក់ផ្អើល ។ គាប់ជួន កម្លាំងនៅជិតគោលដៅនោះ ក៏អន្ដរា គមន៍ឃាត់ជនសង្ស័យមកកាន់អធិការ ដ្ឋាននគរបាលខណ្ឌដើម្បីចាត់ការបន្ដ តាមច្បាប់ ។
ដោយឡែកករណីទី២ ៖ សមត្ថកិច្ច បានបង្ក្រាបមុខសញ្ញាលួចយ៉ាងសកម្ម ឈានដល់ចាប់ខ្លួនជនសង្ស័យ២នាក់កាល ពីថ្ងៃទី៣០ ខែវិច្ឆិកា ឆ្នាំ២០១៥ វេលា ម៉ោង០០និង៣០នាទីរំលងអធ្រាត្រ ឋិត នៅចំណុចផ្លូវបេតុង ក្រុមទី១ សង្កាត់- ខណ្ឌឫស្សីកែវ ។
ជនទាំង២នាក់ខាងលើនេះ ១-ឈ្មោះ មាឃ ចាន់ដាវុធ ភេទប្រុស អាយុ២៩ឆ្នាំ មានទីលំនៅ ផ្ទះលេខ៨០ សង្កាត់ច្រះចក ខណ្ឌដូនពេញ និងទី២-ឈ្មោះ ឈិន គឹម ឡុង ភេទប្រុស អាយុ១៨ឆ្នាំ មានទីលំនៅ ក្រុម១៩ ភូមិសាមគ្គី សង្កាត់-ខណ្ឌឫស្សី កែវ ។
សមត្ថកិច្ចបានបញ្ជាក់ថា ជនទាំង ២រូបនេះ ជាប់ពាក់ព័ន្ធនឹងករណីលួច ម៉ូតូ និងទ្រព្យសម្បត្ដិរបស់ប្រជាពលរដ្ឋ កាលពីថ្ងៃទី១ ខែមករា ឆ្នាំ២០១៥ វេលា ម៉ោង៤ទៀបភ្លឺ ឋិតនៅក្នុងសង្កាត់ឫស្សី កែវ ៕
ដោយ៖ អារុណរះ
