ភ្នំពេញ៖ ភាពភ្ញាក់ផ្អើលមួយបានកើតឡើងបន្ទាប់ពីកម្លាំងសមត្ថកិច្ចចម្រុះបានបង្កើតគណៈកម្មាការត្រួតពិនិត្យទីតាំងសណ្ឋាគារយីហោ ប៉ាស៊ីហ្វិកក្រោយមានករណីបុរសជនជាតិឥណ្ឌាម្នាក់ដេកស្លាប់ នៅក្នុងបន្ទប់៤០៩ជាន់ទី៤ ស្ថិតនៅផ្ទះលេខ២៣៤ ផ្លូវលេខ១៥៤ កែងនឹងផ្លូវព្រះមុនីវង្ស ភូមិ៦ក្រុម៣៩ សង្កាត់ផ្សារថ្មីទី២ ខណ្ឌពេញ រាជធានីភ្នំពេញ កាលពីវេលាម៉ោ៥និង៣០នាទីព្រឹកថ្ងៃព្រហស្បតិ៍ ៨រោច ខែអស្សុជ ឆ្នាំច សំរិទ្ធិស័កព.ស ២៥៦២ ត្រូវនឹងថ្ងៃទី១ ខែវិច្ឆិកា ឆ្នាំ២០១៨ ។

មន្រ្តីនគរបាលខណ្ឌដូនពេញ បានឲ្យដឹងថា សពឈ្មោះ Ramana than Ashok kuma ភេទប្រុស អាយុ៦៥ឆ្នាំ ជនជាតិ India មុខរបរទេសចរណ៍កាន់លិខិតឆ្លងដែន (passport ) លេខ H:៧៣៣៦៥១៣ ។

ក្រោយកើតហេតុសមត្ថកិច្ចជំនាញខណ្ឌសហការជាមួយនគរបាលការិយាល័យបច្ចេកទេសវិទ្យាសាស្រ្ត និងការិយាល័យព្រហ្មទណ្ឌកម្រិតធ្ងន់ព្រមទាំងការិយាល័យអន្តោប្រវេសន៍ ដើម្បីបង្កើតគណៈកម្មាធិការ ធ្វើកោសលវិច័យពិនិត្យសាកសព ។ ជាលទ្ធផលតាមការសន្និដ្ឋានរបស់ការិយាល័យជំនាញបច្ចេកទេស បានបញ្ជាក់ថាសពជនរងគ្រោះស្លាប់ដោយសារគាំងបេះដូង អាចបណ្តាលមកពីជំងឺលើសឈាម ។ បច្ចុប្បន្នសព ត្រូវបានសមត្ថកិច្ចប្រគល់ជូនប្រពន្ធជនរងគ្រោះយកទៅតម្កល់នៅមន្ទីរពេទ្យខ្មែរសូវៀតហៅពេទ្យរុស្ស៊ី ៕ ស តារា