ក្រុមហ៊ុនហ័ងអាញ់ដូងប្រេងលំផាត់វៀតណាមមិនទាន់ផ្ដល់សំណងដល់អ្នកស្លាប់បីនាក់នៅឡើយទេ

ចែករំលែក៖

ខេត្ដរតនគីរី៖ សាច់ញាតិគ្រួសារ សព៣នាក់ស្លាប់ដោយសារបុគ្គលិក ក្រុមហ៊ុនហ័ងអាញ់ដូងប្រេងលំផាត់ស្រវឹងស្រា បើកបររថយន្ដបុកស្លាប់មាន ការព្រួយបារម្ភចំពោះសំណងដែលតំណាងក្រុមហ៊ុនហ័ងអាញ់សន្យាថា សងនោះនៅ មិនទាន់ទទួលបានអ្វីនៅឡើយទេ ។

ក្រុមគ្រួសារសាច់ញាតិសពមួយ គ្រួសារស្លាប់ក្នុងករណីគ្រោះថ្នាក់ចរាចរណ៍ កំពុងមានទុក្ខក្រៀមក្រំ និងមមាញឹក ក្នុងការចាត់ចែងធ្វើបុណ្យសពផងនោះ ពួកគាត់ក៏នៅមានការព្រួយបារម្ភចំពោះសំណង ដែលតំណាងក្រុមហ៊ុនហ័ងអាញ់ សុំសម្របសម្រួល ក្រៅប្រព័ន្ធតុលាការ នៅមិនទាន់បានទទួលសំណងដល់ដៃ ឬ លិខិតធានាសងណាមួយគួរជាទីទុកចិត្ដ នៅឡើយទេ ។

លោកអេង សាវឿន មុខរបរគ្រូបង្រៀន ត្រូវជាប្អូនគ្រួសារនៃសព និងជាតំណាង ឱ្យគ្រួសារសពបានឱ្យដឹងថាថ្ងៃធ្វើបុណ្យសពតំណាងក្រុមហ៊ុនហ័ងអាញ់បានផ្ដល់ ប្រាក់ចំនួន១.៣០០ដុល្លារ និង២ម៉ឺនរៀល ដើម្បីចាត់ចែងធ្វើបុណ្យ ។ ខាងក្រុមហ៊ុន ជូនដំណឹងមកថា សុំសម្របសម្រួល សងសំណងដល់សព ហើយលោកក៏បាន សុំសពមួយ៣ពាន់ដុល្លារ តែខាងក្រុម ហ៊ុនសុំសង២.៥០០ដុល្លារក្នុងសពមួយ ។ ចំណែកម៉ូតូដែលខូចខាតគេនឹងជូនប្រាក់តាមតម្លៃទិញថ្មី ។ ក៏ប៉ុន្ដែការព្រមព្រៀង សងប្រាក់គ្រាន់តែជាការជូនដំណឹងតែ ប៉ុណ្ណោះពុំមានកិច្ចសន្យាសងប្រាក់ណា មួយឱ្យបានច្បាស់លាស់នោះទេ ។

ដោយឡែកលោក សូ ថាយ អធិការ ស្រុកលំផាត់ បានបញ្ជាក់តាមទូរស័ព្ទ ថា ពុំទាន់បានសងសំណងនៅឡើយទេ ។ លោកក៏បានបញ្ជូនរបាយការណ៍កើត ហេតុទៅស្នងការដ្ឋានរួចហើយដែរ ។ ចំពោះ បញ្ហាអ្នកបើកបរបង្កគ្រោះថ្នាក់ឱ្យមនុស្សស្លាប់ និងរងរបួសខ្លួនឯងទៅព្យាបាល នៅប្រទេសវៀតណាមនោះតំណាងក្រុមហ៊ុនហ័ងអាញ់ធ្វើលិខិតធានាត្រឹមត្រូវ ហើយទើបលោកអនុញ្ញាតឱ្យទៅ ។

ចំណែកលោក មឿង សារិទ្ធ នាយការិ យាល័យចរាចរណ៍ផ្លូវគោកនៃស្នងការ ដ្ឋាននគរបាលខេត្ដអះអាងថារឿងនេះ អធិការស្រុកជាអ្នកធ្វើលោកអត់ដឹង ទេ ។

លោក វឹង ជា អ្នកបកប្រែឱ្យក្រុម ហ៊ុនហ័ងអាញ់ដូងប្រេងលំផាត់វៀតណាម មិនអាចសុំការបំភ្លឺបានទេព្រោះទូរស័ព្ទចូលគ្រាន់តែថាអ្នកសារព័ត៌មានមាន គាត់និយាយថាជាប់រវល់ ។

គួរបញ្ជាក់ថា ជនជាតិវៀតណាមជា បុគ្គលិកក្រុមហ៊ុនហ័ងអាញ់ដូងប្រេង លំផាត់ មានគ្នា២នាក់ ផឹកស្រាស្រវឹង ជោកជាំបានបើករថយន្ដបង្កគ្រោះថ្នាក់ម៉ាកត្រៃតុន ពណ៌កណ្ដុរល្មែះ ពាក់ស្លាក លេខរតនគិរី2A-0308 ក្នុងល្បឿនលឿន រេចង្កូតពេញផ្លូវមានទិសដៅពីជើងទៅ ត្បូងជ្រុលទៅបុកម៉ូតូស្មាស់វី ពណ៌ខ្មៅ ជិះគ្នា៣នាក់ប្ដីប្រពន្ធនិងកូនធ្វើដំណើរ បញ្ច្រាសទិសគ្នាបណ្ដាលឱ្យស្លាប់ភ្លាមៗនៅកន្លែងកើតហេតុកាលពីថ្ងៃទី២៥ ខែវិច្ឆិកា ឆ្នាំ២០១៥ វេលាម៉ោង២និង ១៥នាទី តាមបណ្ដោយផ្លូវជាតិលេខ៧៦ ពីខេត្ដមណ្ឌលគីរី មកខេត្ដរតនគីរី ស្ថិត ក្នុងភូមិព្រួក ឃុំបាតាង ស្រុកលំផាត់ ត្រង់ ចំណុចស្រែទាហាន ។

ជនរងគ្រោះបាត់បង់ជីវិតមួយគ្រួសារនោះ ១-ឈ្មោះ មុន សាវឿន (ជាប្ដី) អាយុ ២៨ឆ្នាំ ២-ឈ្មោះ ចាន់ លីម ជាប្រពន្ធ អាយុ២៧ឆ្នាំ ៣-ឈ្មោះ រិទ្ធ សុវណ្ណរាជ ជាកូនអាយុ៨ឆ្នាំ ។ គ្រួសារនេះទើបតែ មានកូនមួយតែប៉ុណ្ណោះតែអកុសល ត្រូវ អ្នកស្រវឹងស្រាជាជនជាតិវៀតណាម ផ្ដាច់ពូជមួយគ្រួសារតែម្ដង ៕

res (6)