ភ្នំពេញ ៖ នារីវ័យក្មេងម្នាក់ត្រូវបានអាជ្ញាធរសង្កាត់ចោមចៅទី៣នាំទៅសាលាសង្កាត់បន្ទាប់ពីដើរសើចៗនិងចូលផ្ទះគេឯងសង្ស័យខូចចិត្ត វិប្បត្តិផ្លូវចិត្ត ទើបមានសតិមិនប្រក្រតី។

ហេតុការណ៍​នេះបានកើតឡើង កាលពីវេលាម៉ោង២និង៤០នាទីរសៀល ថ្ងៃទី១៣ ខែវិច្ឆិកា ឆ្នាំ២០១៨ ។

អាជ្ញាធរបានអោយដឹងថា​ បន្ទាប់ពីរាយការណ៍ពីប្រជាពលរដ្ឋដោយនារីខាងលើមានវ័យ  ប្រហែល២០ឆ្នាំបានដើរចូលផ្ទះគេឯងហើយមិននិយាយស្តីបានត្រឹមតែសើចសួនាំក៏មិននិយាយទើបអាជ្ញាធរហៅមកសាលាសង្កាត់តែម្តង។

នារីខាងលើមិនស្គាល់អត្តសញ្ញាណផ្ទះក៏មិនដឹងនៅទីណាដូចនេះអាជ្ញាធរសង្កាត់ចោមចៅ៣ សូមធ្វើការអំពាវនាវផងដែរ ដល់សាធារណៈជន មាតា បិតា អាណាព្យាបាល សាច់ញាតិ បងប្អូនណាដែលបានស្គាល់ នារីរូបនេះ ដូចភិនភាគខាងលើ ឬក្រុមគ្រួសារ ណាដែលបាត់សមាជិកគ្រួសារ ដូចភិនភាគនេះ មេត្តាមកទំនាក់ទំនង នៅសាលាសង្កាត់ ចោមចៅ៣ ខណ្ឌពោធិសែនជ័យ ឬ ទៅទំនាក់ទំនងនៅ មណ្ឌលសំចត សង្គមកិច្ច ស្រែជម្រៅ សង្កាត់ចោមចៅ២ ខណ្ឌពោធិសែនជ័យ ដោយសារនារីរូបនេះ នឹងត្រូវបញ្ជូនទៅមណ្ឌលសង្គមកិច្ច ទៅនោះដើម្បីស្នាក់នៅ និងបន្តស្រាវជ្រាវស្វែងរកសាច់ញាតិ ៕សុខាសែនជ័យ