កណ្តាល៖ការ៉ាស់សាំង ដេប៉ូតេលា រស្មី ពិសី ក្រុងតាខ្មៅបានបើកដំណើរការដដែល មិនដឹងមានអ្វីនៅពីក្រោយបន្ទាប់ពីត្រួតពិនិត្យរួច និងជាពិសេសថៅកែការ៉ាស់សាំងមិនមានការឃាត់ខ្លួនឡើយ ទោះបីការ៉ាស់សាំងនោះ ធ្លាប់មានវិធានការណែនាំពីជំនាញកាំកុលត្រូលម្តងរួចមកហើយនោះ មជ្ឈដ្ឋានទូរទៅកំពុងមានការរិះគន់ពីសំណាក់ជំនាញកាំកុងត្រូល ដែលចុះទៅត្រួតពិនិត្យរកឃើញថា” ការ៉ាស់សាំងបានបន្លំយកសាំងធម្មតា លក់ជាសាំង ស៊ុបពែរ ថែមទាំងលក់មិនគ្រប់លីត្រជូនអ្នកប្រើប្រាស់ ” ពោលគឺ លួច សាំងពីអតិថិជនតែម្តង។

ក្នុងប្រតិបត្តិការណ៏ចុះត្រួតពិនិត្យនេះដឹកនាំដោយលោក ងួន សុមល្លីវង្ស អនុប្រធាននាយកដ្ឋានកាំកុងត្រូលនៃក្រសួងពាណិជ្ជកម្ម លោក គ្រី បូរិន អនុប្រធានមន្ទីរពាណិជ្ជកម្មកាំកុងត្រូលខេត្តកណ្តាល លោក ហ៊ិន ង៉ែត អនុប៉ុស្តិសាខាកាំកុងត្រូលខេត្តកណ្ដាលដោយមានការសម្របសម្រួលនីតិវិធីពីសំណាក់ លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល។

ហេតុការណ៏ចុះត្រួតពិនិត្យនេះធ្វើឡើងកាលពីព្រឹកថ្ងៃទី១៤ វិច្ឆិកា ២០១៨ នៅចំណុចការ៉ាស់សាំង ដេប៉ូ រស្មី ពិសី ដែលស្ថិតនៅភូមិព្រែកសំរោង សង្កាត់តាខ្មៅ  ក្រុងតាខ្មៅ ខេត្តកណ្តាល រហូតមកដល់ថ្ងៃទី១៩ វិច្ឆិកា  ២០១៨ នៅតែបើកដំណើរការជាធម្មតា។

ប្រភពព័ត៌មានបានលួចបង្ហើបអោយដឹងថា ទោះបីជាខាងតុលាការសម្រេចអោយបិទទីតាំងការ៉ាស់សាំងនោះបណ្តោះអាសន្នក៏ដោយ ក៏ខាងកាំកុងត្រូលស្នើរមិនអោយបិទទេ ដោយឲ្យស្ថាននីយ៏កែតម្រូវ និងធ្វើកិច្ចសន្យាបន្តទៀត និងមានមេធាវីការពារធានា។ការស្នើរសុំរបស់ខាងកាន់កុងត្រូលមិនអោយខាងតុលាការបិទការ៉ាស់សាំងនោះបណ្តោះអាសន្ន មជ្ឈដ្ឋានទូរទៅកំពុងរិះគន់យ៉ាងចាស់ដៃថា មិនដឹងមានអ្វីនៅពីក្រោយខ្នង ឬក៏ជំនាញកាន់កុងត្រូលមានការឃុំឃិតគ្នាជាមួយថៅកែការ៉ាស់សាំងនោះ ។
ពាក់ពន្ធ័បញ្ហារខាងលើនេះដែរភ្នាក់ងារមិនទាន់មានការទំនាក់ទំនងទៅលោក ងួន សុមល្លីវង្ស អនុប្រធាននាយកដ្ឋានកាំកុងត្រូលនៃក្រសួងពាណិជ្ជកម្មបាននៅឡើយទេ ដោយគ្មានលេខទូរសព្ឌ័ទំនាក់ទំនង។

បើតាមលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាលបានអោយដឹងថា ពាក់ពន្ធ័ផ្លូវច្បាប់លោកនិងមានចំណាត់ការបើសិនជាខាងកាន់កុងត្រូលបញ្ជូនសំណុំរឿងមកតុលាការ ពីព្រោះខាងកាន់កុងត្រូលជាអ្នកកំណត់បទល្មើស។

អ្នកច្បាប់មួយរូបសុំមិនបញ្ចេញឈ្មោះបានបញ្ជាក់ថា ច្បាប់ស្តីពីមាត្រាសាស្ត្រកម្ពុជា មាត្រា៤៥ ត្រូវផ្តន្ទាទោសដាក់ពន្ធនាគារពី៦(ប្រាំមួយ) ថ្ងៃ ទៅ១(មួយ) ខែ និងពិន័យជាប្រាក់ពី១.០០០.០០០(មួយលាន) រៀល ទៅ៥.០០០.០០០(ប្រាំលាន)រៀល ចំពោះជនណាដែល បង្កើន បន្ថយ ឬបន្លំ រង្វាស់រង្វាល់នៃឧបករណ៏មាត្រាសាស្ត្រ ដែលបានដាក់សញ្ញាត្រួតពិនិត្យរួច ឬ ប្រើប្រាស់ កាន់កាប់ សម្រាប់ក្នុងសកម្មភាពពាណិជ្ជកម្ម ឬលក់ ដាក់តាំងដើម្បីលក់ ឬចែកចាយនូវឧបករណ៏មាត្រាសាស្ត្រដែលខ្លូន បានដឹងថាបានបង្កើន បន្ថយ ឬបន្លំ ។ ក្នុងករណីមិនរាងចាលត្រូវផ្តន្ទាទោសដាក់ពន្ធនាគារ និងពិន័យជាប្រាក់ទ្វេរដង៕      ឆដា