ខេត្តកណ្តាល៖ ផ្ទះឈើប្រក់ក្បឿងមួយខ្នងជាទីតាំងព្រះវិហារអ្នកកាន់សាសនាព្រះយេស៊ូគ្រីស្ទ ស្ថិតក្នុងភូមិព្រែកតាព្រី ឃុំសិត្បី ស្រុកស្អាង ត្រូវបានគេប្រទះឃើញភ្លើងឆាបឆេះយ៉ាងសន្ធោសន្ធៅ ឡើង បង្កឲ្យមានការភ្ញាក់ផ្អើលនៅវេលាម៉ោង១០ និង៤៥នាទី ថ្ងៃទី២ ខែធ្នូ ឆ្នាំ២០១៥ ។
ភ្លាមៗនោះដែរគេឃើញវត្តមានសមត្ថកិច្ចនគរបាលប៉ុស្តិ៍រដ្ឋបាលសសិត្បូ សហការជាមួយសមត្ថកិច្ចនគរបាលការិយាល័យបង្កា និងពន្លត់អគ្គីភ័យនៃស្នងការដ្ឋាននគរបាលខេត្តកណ្តាល និងប្រជាពលរដ្ឋ នាំគ្នាបាញ់ទឹកពន្លត់ភ្លើងរហូតរលត់ជាស្ថាពរ ខណៈដែលលំនៅដ្ឋានមួយខ្នងខាងលើនេះត្រូវបានភ្លើងឆាបឆេះស្ទើរអស់ទាំងស្រុងទៅហើយនោះ ។
សមត្ថកិច្ចនគរបាលប៉ុស្តិ៍រដ្ឋបាលសិត្បូបានឲ្យដឹងថា លំនៅដ្ឋានមួយខ្នងដែលត្រូវបានភ្លើងឆាបឆេះនេះមានទំហំ៥ម៉ែត្រគុណ៦ម៉ែត្រ ធ្វើពីឈើប្រក់ក្បឿង មានម្ចាស់ឈ្មោះ រស់ ភារម្យ ភេទប្រុស អាយុ២៨ឆ្នាំ មុរបរជា និស្សិត បច្ចុប្បន្នរស់នៅក្នុងភូមិព្រែកតាព្រី ឃុំសិត្បី ស្រុកស្អាង ខេត្តកណ្ដាល ។ ផ្ទះមួយខ្នងនេះត្រូវបានម្ចាស់សាងសង់ឡើងសម្រាប់ធ្វើជាព្រះវិហារសាសនាព្រះយេស៊ូគ្រឹៈ ។
សម្ភារៈដែលត្រូវបានភ្លើងឆាបឆេះនៅក្នុងផ្ទះនេះរួមមាន អ៊ក់១គ្រឿង ហ្គីតា១ដើម កុំព្យូទ័រលើតុ១គ្រឿង និងឧបករណ៍ប្រើប្រាស់មួយចំនួនទៀត ។ ក្នុងករណីនេះដែរមិនបណ្ដាលឲ្យគ្រោះថ្នាក់ដល់អាយុ ឬរងរបួសមនុស្សណាម្នាក់នោះទេ ។ ករណីគ្រោះអគ្គីភ័យនេះកើតឡើងដោយសាការទុស្សេខ្សែភ្លើង ខណៈដែលមិនមានមនុស្សណាម្នាក់នៅក្នុងផ្ទះនោះ ពោលគឺបាននាំគ្នាទៅរៀនអស់ពីផ្ទះ ៕
ដោយ៖ ស្អាងជ័យ
