ខេត្តសៀមរាប៖ កម្មករម្នាក់ដែលកំពុងបំរើការងារនៅក្នុងសណ្ឋាគារ សុខាល័យអង្គរ បានស្លាប់យ៉ាងអណោចអធមខណៈបញ្ជូនទៅដល់មន្ទីរពេទ្យដោយសារផ្ទុះធុងហ្គាសផ្សារដែកចំធ្លាយពោះ ។
ហេតុការណ៍នេះកើតឡើងនៅវេលាម៉ោង១និង២៥នាទីថ្ងៃទី០១ខែធ្នូ ឆ្នាំ២០១៥ក្នុងសណ្ឋាគារសុខាល័យអង្គរស្ថិតក្នុងភូមិកសិកម្មសង្កាត់ស្រង៉ែក្រុងសៀមរាប ។
អនុសេនីយ៍ឯកសំសារ៉ូមេបញ្ជាការរងកងរាជអាវុធហត្ថក្រុងសៀមរាបបានឲ្យដឹងនៅរសៀលថ្ងៃទី០២នេះថាជនរងគ្រោះមានឈ្មោះឈ្មោ ខួច ច្រឹង ភេទប្រុសអាយុ២៤ឆ្នាំជាកម្មករ រស់នៅភូមិចំបក់ហែរឃុំពួកស្រុកពួក។លោកបន្តថាគ្រោះថ្នាក់នេះគឺបណ្តាលមកពីផ្ទុះធុងហ្គាសហើយចំណាត់ការយ៉ាងណានោះខាងប៉ូលិសកំពុងសួរនាំ។ទាក់ទិនទៅនឹងករណីនេះដែរ លោកទិត្យណារ៉ុងអធិការនគរបាលក្រុងសៀមរាបបានឲ្យដឹងថាករណីនេះពិតជាមានមែន ។
ជនរងគ្រោះត្រូវបានសាច់ញាតិដឹកយកទៅធ្វើបុណ្យតាមប្រពៃណីរីឯប្រាក់សំណងឬក៏ចំណាត់ការតាមផ្លូវច្បាប់យ៉ាងណានោះគឺមិត្រូវបានសមត្ថកិច្ចទម្លាយនោះទេ ៕
ដោយ៖ ជានិរន្ដរ៍
