ខេត្តមណ្ឌលគិរី៖ មានអ្នកស្វាមីភ័ក្រ្តពេញបេះដូងលើ សម្តេចតេជោ ហ៊ុន សែន ទុកជាទីគោរពដ៏ខ្ពង់ខ្ពស់ សូមលួចរាយការណ៍ជូនសម្តេចនូវរឿងពិត ដែល លោក ស្វាយ សំអ៊ាង អភិបាលខេត្តមណ្ឌលគិរី បានលួចចុះហត្ថលេខាជាមួយភាគីវៀតណាម លើលិខិតលេខ៣៧១/QD-គមបជ ចុះថ្ងៃទី៣ ខែមីនា ឆ្នាំ២០១៧ ជាមួយចៅហ្វាយ ដាក់ណុង របស់ប្រទេសវៀតណាម អនុញ្ញាតិអោយមានសកម្មភាព ទិញដូរ នាំចូលទំនិញឈើ ពីខេត្តមណ្ឌលគិរី ទៅវៀតណាមតាមច្រក ៧៥១ ដោយគ្មានការឆ្លងកាត់ ឬអនុញ្ញាតពីក្រសួងកសិកម្មរុក្ខាប្រម៉ាញ់ និងនេសាទ ,ក្រសួងបរិស្ថាន ,គណៈកម្មការបង្ក្រាបបទល្មើសធនធានធម្មជាតិ ,និងរាជរដ្ឋាភិបាលកម្ពុជា ដើម្បីអោយភាគីវៀតណាមទុកចិត្ត និងគយប្រទេសវៀតណាមចេញច្បាប់បញ្ជាទទួលទិញឈើដោយស្របច្បាប់ពីកម្ពុជា ។ លោក ស្វាយ សំអ៊ាង អភិបាលខេត្តមណ្ឌលគិរី បានលួចចុះហត្ថលេខាជាមួយភាគីវៀតណាម ធ្វើបំពានច្បាប់ទាំងស្រុងនូវច្បាប់ក្នុងប្រទេស ហើយឯកសារនោះត្រូវបានភាគីវៀតណាម ខេត្ត ដាក់ណុង ផ្ញើជូន ទៅ១-នាយកដ្ឋានពាណិជ្ជកម្ម ២-ទីបញ្ជាព្រំដែនខេត្ត ៣-នាយកដ្ឋានគយ ខេត្តដាក់ណុង និងទី៤-បណ្តាពាណិជ្ជករ នៅប្រទេសវៀតណាម។
