ខេត្តបាត់ដំបង ៖ គេរាយការណ៍ថា សិស្សវិទ្យាល័យសំពៅលូនជាច្រើននាក់បានដួលសន្លប់ជាបន្តបន្ទាប់ ហើយត្រូវបញ្ជូនទៅព្យាបាលនៅមន្ទីរពេទ្យបង្អែកសំពៅលូន ដែលគេសង្ស័យថា អាចពុលចំណីអាហារលក់ក្នុងសាលា។
ករណីសិស្សសាលាដួលសន្លប់កើតឡើងនៅ ព្រឹកថ្ងៃទី០២ដល់ថ្ងៃទី០៤ ខែធ្នូ ឆ្នាំ២០១៨ ស្ថិត នៅក្នុងភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។
យ៉ាងណាចំពោះករណីនេះ សមត្ថកិច្ចនៅមិនទាន់បញ្ជាក់ពីមូលហេតុពិតប្រាកដនោះឡើយ ខណៈប្រជាពលរដ្ឋគាត់សង្ស័យថា មកពីអបិយ៌ជំនឿ និងមានអ្នកខ្លះទៀតសង្ស័យលើម្ហូបអាហារលក់ក្នុងសាលា។
គេរាយការណ៍ថារហូតមកដល់ព្រឹកថ្ងៃទី៤ខែឆ្នាំដដែលនេះ សិស្សដួលសន្លប់សរុបមាន៣៧នាក់ ក្នុងនោះប្រុស ២នាក់ ស្រី៣៥នាក់។ ក្រោយសង្គ្រោះសិស្សដែលបាន ដួលសន្លប់នោះ ខ្លះមានអាការធូរស្រាល ក៏បានត្រឡប់ទៅផ្ទះវិញផងដែរ៕ NKD
...
