ខេត្តព្រះសីហនុ ៖ យ៉ាងតិចមានមនុស្ស៤នាក់បានរងរបួសធ្ងន់ស្រាលក្នុងហេតុការណ៍រថយន្តបុកគ្នាឡើងលើដងផ្លូវជាតិលេខ៤ ស្ថិតក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ កាលពីព្រឹកម៉ោង១០និង៣០នាទី ថ្ងៃទី៤ ខែធ្នូ ឆ្នាំ២០១៨ ។
គេរាយការណ៍ថា គ្រោះថ្នាក់ចរាចរណ៍នេះកើតឡើងរវាងរថយន្តម៉ាករ៉េងរ៉ូវើ ពណ៌ ស ពាក់ស្លាកលេខភ្នំពេញ ២AT-៨៨៨១ បើកបរក្នុងទិសដៅពីភ្នំពេញមកខេត្តព្រះសីហនុ ។ លុះធ្វើដំណើរមកដល់ចំណុចកើតហេតុ ស្រាប់តែបុកគ្នាជាមួយរថយន្តម៉ាកហ៊ីយ៉ាន់ដាយ ពណ៌ក្រហម ពាក់ស្លាកលេខព្រះសីហនុ ៣A- ៦៨២៦ បើកបរក្នុងទិសដៅផ្ទុយគ្នា ។ នៅទៅកើតហេតុគេឃើញមនុស្ស៤នាក់បានរងរបួសធ្ងន់និងស្រាល ចំណែករថយន្ត រងការខូចខាតធ្ងន់ធ្ងរ ។
បច្ចុប្បន្នជនរងបានបញ្ជូនទៅកាន់មន្ទីរពេទ្យ ហើយសមត្ថកិច្ចកំពុងអន្តរាគមន៍ការពារសម្រួលចរាចរណ៍និងស្រាវជ្រាវពីអត្តសញ្ញាណភាគីទាំងសងខាង និងឈ្មោះជនរងគ្រោះ ៕ NKD
