ជិត១ខែហើយរឿងការ៉ាស់សាំងដេប៉ូ រស្មី ពិសី ដែលជំនាញកាន់កុងត្រូលចុះទៅត្រួតពិនិត្យរកឃើញលួចសាំងពីអតិថិជនស្ងាត់ឈឹង អតឃើញសំណុំរឿងបញ្ជូនមកតុលាការ

ចែករំលែក៖

ខេត្តកណ្តាល: អស់រយះពេលជិត០១ខែហើយ មជ្ឍដ្ឋានជាច្រើនបានរង់ចាំមើលថា ម្ចាស់ការ៉ាស់សាំងដេប៉ូ រស្មី ពិសី ដែលជំនាញកាន់កុងត្រូលចុះទៅត្រួតពិនិត្យរកឃើញលួចសាំងពីពួកគាត់នោះមានទោសដែរទេ ឬក៍អ្នកក្រលួចមាន់មួយក្បាលយកមកធ្វើម្ហូបចិញ្ចឹមក្រពះមានទោស ដល់អ្នកមានទ្រព្យធន់ មានអំណាចលួចសាំង (រង្វាស់រង្វាល់)ជារៀងរាល់ថ្ងៃអតមានទោសទៅវិញ ។

ប្រភពពីមន្ត្រីតុលាការបានលួចបង្ហើបថា ជិត០១ខែហើយ សំណុំរឿង ការ៉ាស់សាំងដេប៉ូ រស្មី ពិសី ដែលជំនាញកាន់កុងត្រូល ដោយមានការសម្របសម្រួលពីតំណាងអយ្យការ ចុះទៅត្រួតពិនិត្យរកឃើញលួចសាំងពីអតិថិជននោះ មិនឃើញខាងកាន់កុងត្រូលបញ្ជូនសំណុំរឿងមកអោយខាងសាលាដំបូងខេត្តកណ្តាល មានចំណាត់ការទៅតាមផ្លូវច្បាប់ទេ មិនដឹងថាខាងកាន់កុងត្រូលទុកសំណុំរឿងនោះធ្វើអ្វីទេ ។

ទោះបីជាជំនាញខាងកាន់កុងត្រូលរកឃើញថាការ៉ាស់សាំង ដេប៉ូតេលា រស្មី ពិសី ក្រុងតាខ្មៅលួចសាំងពីអថិតិជនក្តី ក៌បានបើកដំណើរការដដែល មិនដឹងមានអ្វីនៅពីក្រោយបន្ទាប់ពីត្រួតពិនិត្យរួច និងជាពិសេសថៅកែការ៉ាស់សាំងមិនមានការឃាត់ខ្លួនឡើយ ទោះបីការ៉ាស់សាំងនោះ ធ្លាប់មានវិធានការណែនាំពីជំនាញកាន់កុលត្រូលម្តងរួចមកហើយនោះ មជ្ឈដ្ឋានទូរទៅកំពុងមានការរិះគន់ពីសំណាក់ជំនាញកាន់កុងត្រូល ដែលចុះទៅត្រួតពិនិត្យរកឃើញថា” ការ៉ាស់សាំងបានបន្លំយកសាំងធម្មតា លក់ជាសាំង ស៊ុបពែរ ថែមទាំងលក់មិនគ្រប់លីត្រជូនអ្នកប្រើប្រាស់ ” ពោលគឺ លួច សាំងពីអតិថិជនតែម្តង។

ក្នុងប្រតិបត្តិការណ៏ចុះត្រួតពិនិត្យនេះដឹកនាំដោយលោក ងួន សុមល្លីវង្ស អនុប្រធាននាយកដ្ឋានកាំកុងត្រូលនៃក្រសួងពាណិជ្ជកម្ម លោក គ្រី បូរិន អនុប្រធានមន្ទីរពាណិជ្ជកម្មកាន់កុងត្រូលខេត្តកណ្តាល លោក ហ៊ិន ង៉ែត អនុប៉ុស្តិសាខាកាន់កុងត្រូលខេត្តកណ្តាល ដោយមានការសម្របសម្រួលនីតិវិធីពីសំណាក់ លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល។

ហេតុការណ៏ចុះត្រួតពិនិត្យនេះធ្វើឡើងកាលពីព្រឹកថ្ងៃទី១៤ វិច្ឆិការ ២០១៨ នៅចំណុចការ៉ាស់សាំង ដេប៉ូ រស្មី ពិសី ដែលស្ថិតនៅភូមិព្រែកសំរោង សង្កាត់តាខ្មៅ  ក្រុងតាខ្មៅ ខេត្តកណ្តាល រហូតមកដល់ថ្ងៃទី១៩ វិច្ឆិការ  ២០១៨ នៅតែបើកដំណើរការជាធម្មតា។

ប្រភពព័ត៌មានបានលួចបង្ហើបអោយដឹងថា ទោះបីជាខាងតុលាការសម្រេចអោយបិទទីតាំងការ៉ាស់សាំងនោះបណ្តោះអាសន្នក៏ដោយ ក៏ខាងកាន់កុងត្រូលស្នើរមិនអោយបិទទេ ដោយឧ្យស្ថានីយ៏កែតម្រូវ និងធ្វើកិច្ចសន្យាបន្តរទៀត និងមានមេធាវីការពារធានា។ការស្នើរសុំរបស់ខាងកាន់កុងត្រូលមិនអោយខាងតុលាការបិទការ៉ាស់សាំងនោះបណ្តោះអាសន្ន មជ្ឈដ្ឋានទូរទៅកំពុងរិះគន់យ៉ាងចាស់ដៃថា មិនដឹងមានអ្វីនៅពីក្រោយខ្នង ឬក៏ជំនាញកាន់កុងត្រូលមានការឃុំឃិតគ្នាជាមួយថៅកែការ៉ាស់សាំងនោះ ។

បើតាមលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាលបានអោយដឹងថា ពាក់ពន្ធ័ផ្លូវច្បាប់លោកនិងមានចំណាត់ការបើសិនជាខាងកាន់កុងត្រូលបញ្ជូនសំណុំរឿងមកតុលាការ ពីព្រោះខាងកាន់កុងត្រូលជាអ្នកកំណត់បទល្មើស។

អ្នកច្បាប់មួយរូបសុំមិនបញ្ចេញឈ្មោះបានបញ្ជាក់ថា ច្បាប់ស្តីពីមាត្រាសាស្ត្រកម្ពុជា មាត្រា៤៥ ត្រូវផ្តន្ទាទោសដាក់ពន្ធនាគារពី៦(ប្រាំមួយ) ថ្ងៃ ទៅ១(មួយ) ខែ និងពិន័យជាប្រាក់ពី១.០០០.០០០(មួយលាន) រៀល ទៅ៥.០០០.០០០(ប្រាំលាន)រៀល ចំពោះជនណាដែល បង្កើន បន្ថយ ឬបន្លំ រង្វាស់រង្វាល់នៃឧបករណ៏មាត្រាសាស្ត្រ ដែលបានដាក់សញ្ញាត្រួតពិនិត្យរួច ឬ ប្រើប្រាស់ កាន់កាប់ សម្រាប់ក្នុងសកម្មភាពពាណិជ្ជកម្ម ឬលក់ ដាក់តាំងដើម្បីលក់ ឬចែកចាយនូវឧបករណ៏មាត្រាសាស្ត្រដែលខ្លូន បានដឹងថាបានបង្កើន បន្ថយ ឬបន្លំ ។ ក្នុងករណីមិនរាងចាលត្រូវផ្តន្ទាទោសដាក់ពន្ធនាគារ និងពិនយ័ជាប្រាប់ទ្វេរដង៕ ឆ ដា

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print