ខេត្តបន្ទាយមានជ័យ៖ ក្មេងស្រីអាយុ៨ឆ្នាំម្នាក់បានបាត់បង់ជីវិតនៅមន្ទីរពេទ្យបន្ទាប់ពីជិះរ៉ឺម៉កម៉ូតូជាមួយ ក្រុម
ឧបទ្ទវហេតុនេះកើតឡើងកាលពី រសៀលថ្ងៃ ពុធ ១៣ រោច ខែកត្តិក ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែធ្នូ ឆ្នាំ២០១៨ នៅចំណុចស្ពានជោគជ័យ លើដងផ្លូវជាតិ លេខ៥៨(ថ្មី)ក្នុងភូមិជោគជ័យឃុំអូរបីជាន់ស្រុកអូរជ្រៅ ខេត្តបន្ទាយមានជ័យ។
មន្រី្តនគរបាលស្រុកអូរជ្រៅបានឲ្យដឹងថា កុមារីរងគ្រោះមានឈ្មោះ អ៊ុក ធីដារស្មី អាយុ៨ឆ្នាំ រស់នៅភូមិទំនប់ដាច់ ឃុំអូរបីជាន់ស្រុកអូរជ្រៅខេត្តបន្ទាយមានជ័យ។គ្រោះថ្នាក់ចរាចរណ៍ដោយខ្លួនឯងនេះកើតឡើងដោយជនរងគ្រោះជិះរ៉ឺម៉កម៉ូតូមួយគ្រឿងជាមួយឪពុកជាអ្នកបើកបរហើយពេលមកដល់ចំណុចស្ពានជោគជ័យ ស្រាប់តែម៉ូតូរ៉ឺម៉កបានរេចង្កូតធ្លាក់ចូលក្នុងប្រឡាយទឹក បណ្តាលឲ្យក្មេងស្រីរងគ្រោះធ្លាក់ចូលក្នុងទឹកឈ្លក់ហើយត្រូវបានឪពុកម្តាយស្រង់ ដឹកបញ្ជូនទៅសង្គ្រោះនៅ មន្ទីរពេទ្យបង្អែកក្រុងប៉ោយប៉ែតតែក្រោយមកបានស្លាប់ ឯឪពុករបួសស្រាល ។
សមត្ថកិច្ចជំនាញក្រោយពីពិនិត្យនិងធ្វើកំណត់ហេតុរួចបានប្រគល់សពកុមារីរងគ្រោះឲ្យឪពុកម្ដាយយកមកធ្វើបុណ្យតាមប្រពៃណី ៕
