លួច​ម៉ូតូ​បានហើយ​ដោះ​ស្លាក​លេខ​ដាក់​ក្រោម​កែប​ ១​ម៉ោង​ក្រោយ​ត្រូវ​បានសមត្ថកិច្ច​ឃាត់ខ្លួនបាន​

ចែករំលែក៖

ខេត្តព្រះសីហនុ៖ នៅ​​ថ្ងៃទី១៤ ខែធ្នូ ឆ្នាំ២០១៨ វេលាម៉ោង១៧:៣០នាទី មាន​អំពេី​ចោរកម្មលួចកាច់សោរ​យកម៉ូតូមួយ​គ្រឿង​ម៉ាកស្កុបពី​ ផលិត​ឆ្នាំ​ ២០១៨ ពណ៌សពាក់ ស្លាកលេខៈ ភ្នំពេញ ១HD-១៤៩២ ដែល​ម្ចាស់​បាន​ទុក​នៅ​មុខ​ក្លឹប​កម្សាន្ត ជាប់កាស៊ីណូជិនប៉ី​ ក្នុង​ភូមិ៤ សង្កាត់​លេខ៤​ ក្រុង​ព្រះសីហនុ​ ។
លោក​វរសេនីយ៍​ទោ​ លី​ សុខ​ហ៊ី​ នាយ​ការិយាល័យ​នគរបាល​ព្រហ្មទណ្ឌ​កម្រិត​ស្រាល​ បាន​ឲ្យ​ដឹង​ថាៈ​ ក្រោយ​ពេល​ទទួល​ ព័ត៌មាន​ តាមទូរស័ព្ទ កម្លាំងនគរបាលព្រហ្មទណ្ឌ​ បានធ្វើការ​ស៊ើបអង្កេត​រុករក​មុខ​សញ្ញា​ជា​បន្ទាន់ លុះដល់​វេលា​ម៉ោង​១៩:៥០​នាទី​ បាន​រក​ឃើញ​ជនសង្ស័យ​ម្នាក់​ កំពុង​ដោះ​ស្លាក​លេខ​ម៉ូតូ​  នៅមុខកាស៊ីណូឡាយអ៊ិន​ សមត្ថកិច្ច​បាន​ចាប់​ខ្លួន​ នៅ​ទីនោះ​តែ​ម្តង​ ។
​ វត្ថុតាង​រួមមាន​ ៖
    ១-ម៉ូតូគ្រឿងម៉ាកស្កុបពីស៊េរីឆ្នាំ២០១៨ ពណ៌ស 1HD-1492 (ជា​វត្ថុ​តាង​នៃ​អំពេី​លួច​ )
    ២-សោរច្នៃសំរាប់កាច់បំបែកសោរកម៉ូតូ ២ដេីម
    ៣-សោរលេខ៨ មួយ​ដេីម​
    ៤-សោរអូរ១ដេីម
    ៥-ក្បាលសោរលេខ៨ ចំនួន១
     ជនសង្ស័យមានឈ្មោះ នុត ប៊ុនថន ហៅ ខ្មៅ ភេទប្រុស អាយុ ៣៥ឆ្នាំ មុខរបរមិនពិតប្រាកដ (ធ្លាប់ជាប់ពន្ធនាគារ)ជាមុខសញាសកម្មលួចឆក់​ ស្នាក់នៅភូមិ១ សង្កាត់​លេខ​១ ក្រុង-ខេត្តព្រះសីហនុ ។
     លោកវរសេនីយ៍ទោ​ លី​សុខ​ហ៊ី​ បាន​បញ្ជាក់​ថា៖ បន្ទាប់​ពីធ្វើការ​សាកសួរ​ សមត្ថកិច្ច​បាន​នាំ​ខ្លួន​ឈ្មោះ​នុត​ ប៊ុន​ថន​ ទៅ​យក​ម៉ូតូ​មួយ​គ្រឿង​ទៀត​ ដែល​វា​ជិះ​ធ្វេី​សកម្មភាព​ ម៉ាក PCX ស៊េរីឆ្នាំ២០១១ ពណ៌ស គ្មានស្លាកលេខ មានលេខតួ និងលេខម៉ាស៊ីន​ 2117917
ដែល​ជនសង្ស័យបានជិះ​ យក​មក​ទុកនៅផ្លូវកែងសាលាកម្មករ​ សង្កាត់​លេខ​៤​ មុន​នឹង​វា​ចូល​ទៅ​លួច​យក​ម៉ូតូ​ របស់​គេ​។
     ករណីនេះ នគរបាលព្រហ្មទណ្ឌកម្រិតស្រាល កំពុងកសាងសំណុំរឿង​តាម​នីតិវិធី​ បញ្ជូនទៅសាលាដំបូងខេត្ត ៕ ឆ្លាម សមុទ្រ


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print