ភ្នំពេញ៖ ជនសង្ស័យម្នាក់ត្រូវកម្លាំងនគរបាលប៉ុស្តិ៍ស្រះចកឃាត់ខ្លួន បន្ទាប់ពីជនសង្ស័យរូបនេះ បានធ្វេីសកម្មភាពជួញដូរគ្រឿងញៀន ស្រាប់តែប្រទះជាមួយកម្លាំងល្បាតឃេីញក៏ឃាត់ខ្លួននិងឆែកឆេរព្រមទាំងដកហូតគ្រឿងញៀនជាច្រេីនផងដែរ ។

ករណីខាងលេីនេះ បានធ្វេីឡេីងកាលពីវេលាម៉ោង៥ទៀបភ្លឺ ថ្ងៃទី៤ ខែធ្នូ ឆ្នាំ២០១៥ នៅត្រង់ចំនុចមុខផ្ទះលេខ36C ភូមិ3 ក្រុម39 ផ្លូវសហពន្ធ័រុស្សី សង្កាត់ស្រះចក ខណ្ឌដូនពេញ រាជធានីភ្នំពេញ ។

តាមប្រភពព័ត៍មានពីមន្ត្រីនគរបាលប៉ុស្តិ៍ស្រះចកបានឲ្យដឹងថា ជនសង្ស័យដែលឃាត់ខ្លួនឈ្មោះ សែម វណ្ណា ជនជាតិខ្មែរ អាយុ25 ឆ្នាំ​មុខរបរនិងស្នាក់នៅមិនពិតប្រាកដ ។

ប្រភពដដែរបានបន្តទៀតថា នៅមុនពេលឃាត់ខ្លួនជនសង្ស័យខាងលើនេះ គឺកម្លាំងនគរបាលមូលដ្ឋាន បានជិះល្បាតការពារសុវត្តិភាពជូនប្រជាពលរដ្ឋ លុះជិះមកដល់ចំណុចកេីតហេតុខាងលេី ស្រាប់តែប្រទះឃេីញជនសង្ស័យកំពុងតែឈររេរា ដោយមានការសង្ស័យក៏ឃាត់ខ្លួនធ្វើការសាកសួរនៅប៉ុស្តិ៍នគរបាលរដ្ឋបាលស្រះចកផងដែរ ។

វត្តុតាងឆែកឆេរនិងចាប់យកបាន៖ 1-គ្រឿងញៀនប្រភេទក្រាមពណ៍សថ្លា(ម៉ាទឹកកក)ចំនួន10កញ្ចប់តូច 2-គ្រឿងញៀនប្រភេទគ្រាប់ពណ៍ផ្កាឈូ ក(យ៉ាម៉ា)ចំនួន03គ្រាប់ 3-លុយដុល្លារចំនួន16$ (ដប់ប្រាំមួយដុល្លារ) 4-លុយខ្មែរចំនួន១៤.០០០រៀល (មួយម៉ឺនបួនពាន់រៀល) ។

បច្ចុប្បន្នជនសង្ស័យបានឃាត់ខ្លួនធ្វេីការសាកសួរនៅប៉ុស្តិ៍នគរបាលរដ្ឋបាលស្រះចក ដេីម្បីកសាងសំនុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនិតិវិធីនៃច្បាប់ ៕

ដោយ៖ ស ដារ៉ា