ឡេងណាវ៉ត្រាប្រកាស​សង់​​ផ្ទះ​សំណាក់តម្លៃសមរម្យ សម្រាប់អ្នកទៅលេងខេត្តព្រះសីហនុ

ចែករំលែក៖

ភ្នំពេញ ៖ ពិតជាភ្ញាក់ផ្អើលក្រោយពីអតីតតារាចម្រៀង និងជាឧកញ៉ាវ័យក្មេងឡេងណាវ៉ត្រាប្រកាស​សង់​​ផ្ទះ​សំណាក់​មានតំលៃសមរម្យបំផុតដោយផ្ទះ​សំណាក់របស់លោក ​តម្លៃ​១០ទៅ២៥ដុល្លារក្នុង​​១យប់លើ​ទឹក​ដី​ក្រុង​ព្រះសីហនុ។ ផ្ទះសំណាងនេះនិង​​​មាន​នៅ​ក្នុង​បុរីឡេងណាវ៉ាត្រាក្នុង​ពេល​ឆាប់ៗនេះ​បើ​ផ្អែក​តាម​ការ​​លើក​ឡើងលើ​facebook ផេក​ផ្លូវការ​របស់​ឧកញ៉ា​វ័យ​ក្មេង​ប្រកាស​នៅ​ព្រឹក​នេះ។

អ្នកធ្វើដំណើរកម្សាន្តនៅលើទឹកដីនៃខេត្តព្រះសីហនុ និងអស់ក្តីបារម្ភខណៈដែលកន្លងមកមានការព្រួយបារម្ភថាខ្វះទីស្នាក់អាស្រ័យនោះ ព្រោះតែអតីតអ្នកចម្រៀង លោក ឡេង ណាវ៉ាត្រា បានប្រកាស និងសន្យាសាងសង់ផ្ទះសំណាក់មួយដែលមានតម្លៃសមរម្យសម្រាប់អ្នកស្នាក់នៅទីនោះ។

ការ​ប្រកាស​​នេះធ្វើ​ឡើង​ភ្លាមៗបន្ទាប់​ពី​ឧកញ៉ា​វ័យ​ក្មេង​ដែល​កំពុង​តែ​មាន​ប្រជាប្រិយ​រូប​នេះបាន​សម្ពោធ​​​គម្រោង​​​វិនិយោគរបស់​​ខ្លួន​លើ​ផ្ទៃ​ដី​១៥០ហិតាដែល​មាន​ទីតាំង​​តាម​បណ្ដោយ​ផ្លូវ​ជាតិ​លេខ​៤ក្នុង​ភូមិទូល​ទទឹង​២ឃុំទូល​ទទឹងស្រុកព្រៃនប់ខេត្តព្រះសីហនុចម្ងាយ​ប្រហែល​២០គីឡូម៉ែត្រ​ពីក្រុម​កំពង់​សោមកាល​ពី​ចុង​សប្ដាហ៍​កន្លង​ទៅជា​មួយ​នឹង​ដៃគូ​ជំនួញ​ម្នាក់​ទៀត។

ឧកញ៉ាឡេងណាវ៉ាត្រាបាន​សរសេរ​​លើ​ផេក​លោក​​​​ថា”ពេល​ដែល​អញ្ជើញទៅលេង​កំពង់សោមតើ ​ពុក​ម៉ែបងប្អូន​ចង់​គេងនៅ​ផ្ទះ​​សំណាក់​ក្នុងតម្លៃ​ត្រឹម១០ទៅ២៥ដុល្លារ​ក្នុង​មួយ​យប់​ដែរ​ឬ​ទេ? បុរី​ឡេងណាវ៉ាត្រាមាន​​បំណង​សង់​ផ្ទះ​សំណាក់​ក្នុង​តម្លៃ​ខាង​លើនៅលើ​ទឹក​ដី​ក្រុង​ព្រះសីហនុដើម្បី​ជួយ​សម្រួលឲ្យ​​ពុក​ម៉ែ​បង​ប្អូន​ដែល​ចង់​គេ​ង​នៅផ្ទះ​សំណាក់​ក្នុង​តម្លៃ​នេះពេលអញ្ជើញ​ទៅ​លេង​សមុទ្រ​ម្ដងៗនោះ។

រូប​ខ្ញុំរួម​ជា​មួយ​ដៃ​គូរ​របស់​ខ្ញុំនឹង​លើក​យក​​គម្រោង​នេះ​ទៅពិភាក្សា​ជា​មួយ​ថ្នាក់​ដឹក​នាំ​ខេត្តដើម្បី​រក​ទី​តាំង​ណា​មួយ​សមរម្យ​ដើម្បីសាងសង់​គម្រោង​នេះឡើងឬក៏សង់​នៅក្នុង​បុរី​របស់​ខ្ញុំ​ដែល​បាននឹង​កំពុង​ដំណើរ​ការ​លក់​នេះ​តែ​ម្ដង។បើពុក​ម៉ែ​បង​ប្អូន​គាំទ្រ​នូវ​គម្រោង​នេះ​សូមមេត្តា ​ជួយ​ផ្ដល់​នូវ​មតិ​យោបល់ផង ! សូម​អរគុណ។”

គម្រោង​សាង​សង់​ផ្ទះ​សំណាក់​ធូរ​ថ្លៃ​​នេះបាន​ធ្វើ​ឲ្យ​មហាជន​ចាប់​អារម្មណ៍​ជា​ខ្លាំងស្រប​ពេល​ទី​ក្រុង​ព្រះសីហនុ​កំពុង​​តែ​មាន​អ្នក​វិនិយោគ​ចិន​ជា​ច្រើន​សម្រុក​ចូល​មក​រក​ស៊ី​ជា​ច្រើន​នៅ​ទី​នោះហើយ​ធ្វើ​ឲ្យ​តម្លៃ​​ដី​និង​ផ្ទះ​សំណាក់​នៅ​ទី​នោះ​​ឡើង​តម្លៃ​ថ្លៃនិង​ធ្វើ​ឲ្យ​ប្រជាជន​​ដែល​មាន​ចំណូល​តិច​មិន​ហ៊ាន​ទៅ​លេង។គ្រាន់​តែ ​បង្ហោះ​ភ្លាម​ធ្វើ​ឲ្យ​អ្នក​លេងបណ្ដាញ​សង្គម​ជា​ច្រើនបានShare និងComment ទ្រាំទ្រ​ជា​ខ្លាំង។

ប្រសិន​បើ​គម្រោង​ខាង​លើធ្វើ​ឡើង​ដូច​ការ​លើក​ឡើង​ពិត​មែន​នេះនិង​ធ្វើ​ឲ្យ​ប្រជាជន​ដែល​​មាន​បំណង​ទៅ​លេង​ក្រុង​កំពង់​សោមហើយ​ចង់​បាន​​ផ្ទះ​សំណាក់​ធូរ​ថ្លៃពិត​ជា​​ងាយ​ស្រួល​ខ្លាំងខណៈ​​​ទីតាំង​នោះ​បុរី​របស់​លោក​នៅ​​មិន​ឆ្ងាយ​ប៉ុន្មាន​ពី​​​ក្រុង​កំពង់​សោម​ឡើយ។

មហាជន​សង្ឃឹម​ថាចំនួន​អ្នក​ទេសចរណ៍​​ជាតិនិង​មាន​ការ​​កើន​ឡើង​វិញប្រសិន​បើ​មាន​ផ្ទះ​សំណាក់​មាន​តម្លៃ​១០ ទៅ២០ដុល្លារ​ក្នុង​១យប់​កាន់​តែ​ច្រើន​នោះ៕ ដោយ វឌ្ឍនា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print