ភ្នំពេញ៖ បុរសដែលជាមន្រ្តីយោធាម្នាក់ក្រុមសន្តិសុខក្លឹបយីហោ ហ្វាន់ ក្លឹបចោទប្រកាន់ថាបម្រុងដកកាំភ្លើងបាញ់ ពួកគេដោយសារតែរឿងទាស់ពាក្យសំដីគ្នាជាមួយលោកយាយលក់បបរម្នាក់ដែលត្រូវជាបងរបស់ថៅកែក្លឹបយ៉ីហោ ហ្វាន់ ក្លឹប ហើយបានប្រតាយប្របត់គ្នាបន្តិចបន្តួចដោយសារតែរឿងចាក់សំរាមមុខផ្ទះបង្កឲ្យមានក្លិនស្អុយ ។ ហេតុការណ៍ខាងលើនេះបង្កឲ្យមានការភ្ញាក់ផ្អើលកាលពីវេលាម៉ោង២០និង៣០នាទីយប់ ថ្ងៃទី៨ ខែកក្កដា ឆ្នាំ២០១៥ នៅចំណុចមុខក្លឹបសីហោ ហ្វាន់ ក្លឹប តាមបណ្តោយផ្លូវវេងស្រេង ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។
មន្ត្រីយោធាដែលត្រូវសមត្ថកិច្ចឃាត់ខ្លួនខាងលើនោះឈ្មោះសំរិទ្ធសុខសានហៅ ឃួន ភា ភេទប្រុសអាយុ៤២ឆ្នាំ ស្នាក់នៅផ្ទះលេខ៤៨D តាមបណ្តោយផ្លូវវេងស្រេង ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។ចំណែកលោកយាយជានាក់លក់បបរឈ្មោះសុ ភ័ស្ស អាយុ៦០ឆ្នាំ ស្នាក់នៅម្តុំផ្សារកាណាឌីយ៉ា មានស្រុកកំណើរនៅភូមិស្វាយខម ស្រុកបាទីខេត្តតាកែវ។
តាមសាក្សីនៅកន្លែងកើតហេតុបានឲ្យដឹងថា ប៉ុន្មានថ្ងែមុនឈ្មោះសំរិទ្ធ សុខសាន បានទាស់សំដីគ្នាជាមួយលោកយាយលក់បរម្នាក់ឈ្មោះសុ ភ័ស្ស ដែលត្រូវជាបងស្រីរបស់ថៅកែក្លឹប ហ្វាន់ ក្លឹប ម្តងរួចមកហើយដោយសារតែរឿងជះទឹកស្អុយនិងដាក់សំរាមបង្កឲ្យមានក្លឹនស្អុយនៅខាងមុខផ្ទះរបស់គាត់ដោយគាត់ប្រាប់ជារើយៗ ។រហូតដល់វេលាម៉ោងប្រម៉ាណ២០យប់ភាគីទាំងសងខាងបានទាស់សំដីគ្នាម្តងទៀត ហើយឈ្មោះសំរិទ្ធ សុខសាន បានយកទូរស័ព្ទមកថតកន្លែងដែលមានសំរាមនិងមានក្លិនស្អុយភ្លាមនោះក្រុមសន្តិសុខក្លឹបមានគ្នា៣នាក់បាននាំគ្នាស្រែកឲ្យថា ថតចង់យកទៅប្តឹងមែន ភ្លាមនោះ ឈ្មោះសំរិទ្ធ សុខសាន ក៏បានតបតទៅវិញទើបមានការជេគ្នាទៅវិញទៅមក រហូតឈានដល់ការប្រតាយប្រតប់គ្នាបន្តិចបន្តូចខណៈនោះសន្តិសុខម្នាក់ក៏ បានប៉ះកាំភ្លើងដែលសៀត នៅចង្កោះឈ្មោះសំរិទ្ធ សុខសានក៏ចោទប្រកាន់ថាឈ្មោះសំរិទ្ធ សុខសានបម្រុងដក់កាំភ្លើងបាញ់ពួកគេ ទើបប្តឹងទៅសមត្ថកិច្ចប៉ុស្តិ៍ចោមចៅចុះអន្តរាគមន៍ឃាត់ភ្លាមតែម្តង។
សាក្សីដដែលបានបន្តថា ក្នុងករណីខាងលើនោះបុរសជាមន្ត្រីយោធាខាងលើនៅមិនទាន់បានដក់កាំភ្លើងពីចង្កោះនៅឡើយទេគឺគ្រាន់តែបានប្រតាយប្របត់គ្នាបន្តិចបន្តួចតែប៉ុណ្ណោះ តែបែជាក្រុមសន្តិសុខក្លឹបចោទប្រកាន់ថាបានដល់កាំភ្លើងបម្រុងបាញ់ពួកគេទៅវិញ។ទាក់ទងនិងការណីខាងលើនោះសមត្ថកិច្ចនៅមិនទាន់អាចបញ្ជាក់បាននៅឡើងទេ។
ក្រោយពេលកើតហេតុសមត្ថកិច្ចបានចុះដល់ចំណុចកើតហេតុនិងធ្វើការឃាត់ខ្លួនយកទៅប៉ុស្តិ៍នគរបាលចោមចៅកសាងសំណុំរឿងរូចប្រគល់ឲ្យកម្លាំងកង់រាជអាវុធហត្ថក្រុងដើម្បីចាត់ការបន្ត។គួរបញ្ជាក់ផងដែរថា ក្លឹបខាងលើតែងតែមានការរំខានដល់ប្រជាពលរដ្ឋដែលនៅក្មុងជារៀងរាល់ថ្ងៃមិនតែប៉ុណ្ណោះពេលដែលក្រុមក្មេងៗចូលរាំលែងកំសាន្តហើយចេញមកវិញតែងតែដេញវាយគ្នាយ៉ាងអាណធិបតិយ្យស្ទើតែរាល់ថ្ងៃ តើសមត្ថកិច្ចនិងមានវិធានការបែបណាចំពោះក្លឹបមួយនេះ? សុខា
