ក្មេងៗដុតចំបើងលេង ឆេះរាលអស់២ពនូក ចាស់ឯណេះភ័យព្រលឹងចេញពីខ្លួន

ចែករំលែក៖

ខេត្តកំពង់ធំ÷ អគ្គិភ័យឆាបឆេះចំបើង២ពនូក កាលពីវេលាម៉ោង១០និង៣០នាទី ថ្ងៃពុធ១១រោច ខែមគិសិរ ឆ្នាំ ចសំរឹទ្ធិស័កព.ស២៥៦២ ត្រូវនិងថ្ងៃទី២ ខែមករា គ.ស២០១៩ស្ថិតនៅភូមិចុងព្រៃ ឃុំកំពង់ស្វាយ ស្រុកកំពង់ស្វាយ ធ្វើឲ្យប្រជាពលរដ្ឋក្នុងភូមិភ័យតក់ស្លត់ព្រលឹងចេញពីខ្លួន​ស្ទើរគ្រប់គ្នា ។
សមត្ថកិច្ចបានអោយដឹងថា ម្ចាស់ចំបើងឈ្មោះ យុង ឡៃ ភេទស្រី អាយុ៦០ឆ្នាំ ។ ខូចខាត ឆេះចំបើង២ពំនូក (ឆេះអស់ ៥០%)  រឺម៉កគោយន្តមួយគ្រឿង (ឆេះអស់៥០%)។ មូលហេតុ:ក្មេងយកភ្លើងដុតចំបើងលេងបណ្តាលឲ្យរាលឆេះ។
 ក្នុងពេលកើតហេតុរថយន្តអគ្គិភ័យរបស់អធិការដ្ឋាននគរបាលស្រុកកំពង់ស្វាយព្រមទាំងកម្លាំងជំនាញអធិការ​ដ្ឋាននគរបាលនិងប៉ុស្តិ៍ចំនួន៩នាក់បានចេញអន្តរាគមន៍ជួយពន្លត់ទាន់ពេលវេលាមិនរាលដាលបន្តដល់ផ្ទះអ្នកជិតខាងដោយប្រើប្រាស់ទឹកអស់ ចំនួន០២រថយន្តស្មើនិង០៨ម៉ែត្រគុបរលត់ទាំងស្រុង ៕ ប៊ុនរិទ្ធី


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print