មេកងរាជ​អាវុធហត្ថ​ខេត្ត​បន្ទាយមានជ័យ​ ​ដឹកនាំ​ ក្រុមការងារ​ជំនាញ​ចុះ​ពិនិត្យទីតាំងសាងសង់​ទីលានបាល់ទាត់

ចែករំលែក៖

ខេត្តបន្ទាយមានជ័យ​ ៖​ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត នៅ​ ព្រឹកថ្ងៃទី០៥ ខែមករា ឆ្នាំ២០១៩ បានដឹកនាំក្រុម​ ជំនាញ​ការចុះត្រួតពិនិត្យការដ្ឋានសាងសង់ទីលានបាល់ទាត់របស់សាលាតម្រង់ទិសខេត្តបន្ទាយមានជ័យ ។

ទីតាំង​ទីលានបាល់ទាត់គឺស្ថិត​នៅចំណុចខាងក្រោយបរិវេណវិទ្យាល័យខ្លាកូនថ្មី ស្ថិតនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ។

នៅក្នុងឱកាសនាំមន្ត្រីជំនាញការចុះពិនិត្យទីលាន​ សាងសង់​បាល់ទាត់​ខាងលេីនេះ​ លោកឧត្តមសេនីយ៍ត្រី បោន ប៊ិន បានចាត់ចែងជួសជុលអាគារ ០១ខ្នង ០៥បន្ទប់ សម្រាប់ កីឡាករស្នាក់នៅ (ជួសជុលដំបូល លាបថ្នាំនិងក្រាលឥដ្ឋការ៉ូ)និងសិក្សាគម្រោងសាងសង់បន្ទប់ទឹកថ្មីសម្រាប់កីឡាករប្រើប្រាសផងដែរ។

លោកឧត្តមសេនីយ៍ត្រី បោន ប៊ិន បញ្ជាក់ថា​ ការ​ សាងសង់ទីលានបាល់ទាត់នេះគឺជាគោល​ ការណ៍របស់សហព័ន្ធកីឡាបាល់ទាត់កម្ពុជាតម្រូវឲ្យមានគ្រប់ទូទាំង២៥រាជធានី-ខេត្ត ដែលជាសាលាតម្រង់ទិសសម្រាប់កីឡាករបាល់ទាត់ U-១៥ និង U-១៧ ធ្វើការហ្វឹកហាត់ដើម្បីឈានទៅចូលរួមប្រកួតក្នុងកម្មវិធីស៊ីហ្គេម នាឆ្នាំ ២០២៣ ដែលកម្ពុជានឹងក្លាយជាម្ចាស់ផ្ទះក្នុងការរៀបចំកីឡាស៊ីហ្គេមនាពេលខាងមុខនេះ​។

សូមបញ្ជាក់​ថា ការផ្តួចផ្តើមសាងសង់និងរៀបចំ​ បង្កើត​ឡើង​ដោយលោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេសនិងជាប្រធានសហព័ន្ធកីឡាបាល់ទាត់កម្ពុជា​៕​ ដោយ​៖​ស​ ​សម

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print